چیرۆک
فەڕۆخ نێعمەتپوور
پیتەر بە بێ ئەوەی حاڵەتی نیگا و روخساری بگۆڕدرێ، لێم ورد بووەوە و گوتی بەڵام هاوڕێ گیان بە پێچەوانەی قسەکانت رۆح هەیە و هەر ئا لەم شوێنەی وا ئێمە کاری لێدەکەین هەن! بە تەعەجوبەوە لێم رووانی. سەرەتا لام وابوو گاڵتە دەکا. گوتم واز بێنە پیتەر،... واز بێنە! کوڕە رۆحی چی و شتی چی؟ گوتی وەڵڵا بەڕاستمە. گوتی بەتایبەت ئەو خانووەی رووبەڕوومان. ئەوسا ئاماژەی بە بینای بەشی بەڕێوەبەری کرد کە لە هەر هەموو خانووەکانی تر کۆنتر بوو و، یەک تاقە گڵۆپ چییە ژوورەکانی رۆشن نەدەکردەوە. ئەو بینا سپی رەنگەی وا پەنجەرەکانی بە نیگای تاریکەوە، رەش رەش لە ئێمەیانیان دەڕوانی.
- توضیحات
- بازدید: 132
فەڕۆخ نێعمەتپوور
رەحمان بەدەم رێگاوە بیری لە ژنەکەی خۆی کردەوە. خاتوون لەخۆی پەرپووت‌تر بوو. رەحمان قەت لە ژیانیدا نە گلەیی لە ژنەکەی هەبوو و نە قەتیش بە کەمی گرتبوو، بگرە یەکجار زۆریش خۆشی دەویست. هاودەمی رۆژە خۆش و ناخۆشەکانی ژیانی بوو. خاتوون قەت لە رەحمان هەڵنەبەزیبووەوە. ئافرەتێکی مەزڵووم کە تۆزقاڵێک چییە لە رەوتی کاروبار و ژیانی رۆژانەی لای نەدەدا. رەحمان کاتی خۆی لە گوند هێنابووی. ژنە بە ژنەی پێکرابوو. رەحمان روخساری خاتوونی هاتەوە بەرچاو کە وەک بەفری پار دەتوایەوە و، هەتا دەهات زیاتر و زیاتر وشک و رەق هەڵدەگەڕا.
- توضیحات
- بازدید: 116
و: نه‌ژاد عزیز سورمێ
ده‌یقیژاند! ـــ: ده‌مه‌وێ بۆم ڕوون بكه‌یه‌وه، ده‌مه‌وێ بزانم بۆچی كاری دروست كردنی ڕێگاوبانان به‌شێت و شووران ده‌سپێررێ؟ به‌رپرسیارانی ئێمه بۆچی خه‌وتوون؟! (ده‌ستی به‌رز كرده‌وه و ڕێگای پێشاندام). ـــ: بۆۆ ده‌رێ! زووكه ده‌ی بڕۆ ده‌ره‌وه نامه‌وێ چیتر بتبینم! بشزانم پێت ناوه‌ته چیاو جه‌نگه‌ڵان وای له حاڵت. فێڵبازی، به‌دفه‌ساڵ. زووكه بڕۆ ده‌ره‌وه! منیش هاتمه ده‌رێ. چ ده‌توانم بكه‌م. به‌سه‌رۆكم وت: هه‌ر كه‌سێ ڕێگایه‌كی هه‌یه پێیدا ده‌ڕوا. ئێستا كه لێم ناگه‌ڕێن چیدی ڕێیان دروست بكه‌م، خوا ده‌یزانێ زۆر ڕه‌نج ده‌كێشم، چونكه ئه‌وان نازانن كه هێشتا ده‌بێ چه‌ندین ڕێگا هه‌ن دروست بكرێن چه‌ندی دیكه‌ش زیادن و پێویسته ببه‌سترێن.
- توضیحات
- بازدید: 156
فەڕۆخ نێعمەتپوور
بەڵام ئەمە بەری پێ نەگرت. دیسان لەسەر قاچەکانی هەڵتروشکایەوە. لە دووای ئەوەی یەک دوو تفی لەسەر جێ دەمی مێشەکە رۆکرد و بە قایمی خوراندی، چووەوە سەر کێری. تف رووی لە کەمی کردبوو. یەک دوو جاری تر، بە دژواری بڕێکی کەمی لەدووای هەڵمژینی زمان و مەڵاشووی رۆکردە ناو مشتی. بگرە یەکیان وەک لیکێکی کەم بە لێویا چەسپی. هەوا گەرم بوو و، زوو زوو بەری دەستی وشک دەبووەوە. دەمی بەتەواوی وشک هەڵگەڕابوو. لەوەی کە مێشەکە نەیهێشتبوو رەحەت بێ، تەواو رقی هەستابوو. دەنگی هەڵبڕی و، بەو دانەیان وا لە پێش ئەوانی ترەوە روو لەم دانیشتبوو، گوت:
- توضیحات
- بازدید: 212
فەڕۆخ نێعمەتپوور
پەرداخێک ئاو دەدەمە دەستی هاوکارەکەم و، بیری کوڕەکەی دەکەومەوە. بەخۆم دەڵێم بەس نەبوو جاران بیرەوەرییەکەی زیندوو بوو. ئەوسا بەو ئاکامە دەگەم کە بیرەوەری دوو جۆرە: لە نەوعێکی‌دا کەسەکە هێشتا ماوە و، لە نەوعەکەی دیکەی‌دا مردووە. پێم وابێ ئەمەی دووهەم خراپترین جۆریەتی. دۆلکەکە لەسەر تەرمۆزە شکاوەکە دادەنێم. ئەو تەرمۆزەی توێژاڵێکی تەپ و تۆز بەسەریەوە شەوق دەداتەوە.
- توضیحات
- بازدید: 163
فەڕۆخ نێعمەتپوور
دیسان زەمەن تێپەڕی. گوێی لە هەناسە قورسەکانی بوو. ئاگای لە دارشەقەکەی بوو کە هەروا لەسەر عەرزەکەی بەردەمی کەوتبوو. کتوپڕ نیوە پیاوەکە لای کردەوە و، لەمی رووانی. درەنگ بوو، نیگای خۆی بۆ نەشاردرایەوە. نیوە پیاوەکە، نیوە پێکەنینێکی کرد، یان رەنگە نیوە شتێکی تر بوو... نازانێ. لێکدانەوەی نیوە روخسارێک زەحمەت بوو. نیوە پیاوەکە بە بێ چاوترووکان بە نیوەیی گوتی ئە... کا... ئە... بە... رۆژ... دەڕ...، وا؟... بەر... بەرل...، پار... یان لەن..،... وا...؟ ئەم دەستبەجێ تێگەیشت کە دەڵێ "ئەرێ کاکە ئەمە بەرەو رۆژئاوا دەڕوا، وانیە؟... بەرەو بەرلین، پاریس... یان لەندەن،... وانیە؟"
- توضیحات
- بازدید: 135
ئەدیب نادر
لەمێژ بوو پێویستم بە گەورەبوون بوو، بەڵام هەر دوام دەخست، ئەوا ئیتر کاتی بەدیهێنانی هات و هیچ پاساوێكیش بۆ دواخستنی نەما. سەداکەی قەرەباڵغییەکی پەرتوبڵاوی لەدەوروبەریدا خستە گەنمگردەوە. سەداکەی. ئاخر ڕووی مەتاڵەکەت بۆ کردبووە من؟! نەدەبوو ئاڕاستەکەی بگۆڕیت؟ ئاخر. ئاخر. لەوێوە بە جادە سەدییەکەدا پەڕییەوە و لەلای مزگەوتەکەی خەدیجەی کوبرا لایدا و خۆی بە کۆڵانەکەیاندا کرد و تاریکییەکی لە تاریکییەکانی تاراوگەیش ڕەشتری بەدوای خۆیدا بەجێهێشت و گەیشتە ماڵەوە.
- توضیحات
- بازدید: 254
و: نه‌ژاد عزیز سورمێ
كەواتە هەر گورگی گۆرینە، هەرگیز لەو باوەڕەدا نەبووم، كەچی ئەوەی بیرم لێ نە دەكردەوە و بەخەیاڵم دا نەدەهات بە چاو بینم. كاتیرین تاكو خواردی، خواردی، ئینجا كشایەوە بواری گورگیش بدا دەست پێ بكاتەوە، گورگ دەخوا و كاتیرینیش تێیەوەڕاماوە و دەم ئەتەقێنێ! هەموو شتێك ڕوون و ئاشكرایە، كاكەلەبرالەی خۆیان كردووە! ئەو جار تێگەیشتم كاتیرین چ دەكا، بەڵام ناتوانم بە تەنێی حوكم بەسەردا بدەم، چونكە مام باچۆلا ئەو لەعنەتییەی خۆش دەوێ و بە تەمایە بەری بۆ باوێ.
- توضیحات
- بازدید: 156
رەزا شوان
سەرۆکی تیـمەکە و ئەوانی تری تیـمەکە، ئەم ماڵەیان بەجـێهـێـشت، بۆ ئەوەی خانووە رووخـاوەکانی تر بگەڕێـن. بە هـۆی هەنـدێک هـۆکارەوە، سەرۆکی تیمەکە بە ناچاری گەڕایەوە بۆ خانـووە تەبخـبووەکەی ژنە گەنجە مـردووەکە. جارێکی تریش ئەژنۆکانی دادان و قـۆڵی لـە رێـگەی شەقـە تەسـکەکـانـەوە درێـژکـرد، بـۆ پـشکـنـیـنی رووبـەرە بچـووکەکەی ژێـر تەرمەکە. لە ناکاودا، بە جـۆش و خـرۆشەوە هـاواری کـرد، منـداڵ، منـداڵـێکی سـاوا لەژێـر تەرمـەکە دایە.
- توضیحات
- بازدید: 135
فەڕۆخ نێعمەتپوور
ساڵانی ساڵ تێپەڕی. ئیستا ئیتر پیاوێکی گەورەساڵ بوو. ریش و سمێڵیشی ماش و برینجی کردبوو. رۆژێ لە مەلەوانگەیەک بەڕووتی لەبەر ئاوێنەیەکدا راوەستابوو. چاوی لە جەستەی خۆی دەکرد، کە لەپڕ نیگای چووە سەر شوێنە ناحەزەکەی خۆی. بە تەعەجوبەوە بینی کە رێک لە هی باوکی دەچێ،… لە قنی رۆژی فۆتەکە. هەر وەک ئەوەی باوکی تووکن و شل و زل. سەرەتا تێکچوو. پاشان بزەیەکی هاتێ. بیری باوکی کەوتەوە کە لەمێژبوو مردبوو. باوکی، دوواساڵەکانی تەمەنی ئەوەندە بێدەسەڵات و داماو بوو، نەبێتەوە. هەر بەو قنەیشەوە مردبوو کە ئەو ساڵانی ساڵ لەوە پێش لای وابوو نەیبوو و کەچی هەیشیبوو! یاخود بەو قنەوە کە ئەم لای وابوو باشتر وابوو باوکی نەیبووایە.
- توضیحات
- بازدید: 176
