چیرۆک

لە بیرم دێت (٢)

فەڕۆخ نیعمەتپوور

مامە زۆر کەیفی خۆش بوو. ناوچاوانی کرابوونەوە، ئارامتر بە رێگادا دەڕۆیشت و زووزوو بەهۆ و بێ هۆ باسی سەفەرەکەی دەکرد. ئەسڵەن ئەو ئێمەی بانگکردبوو بۆ ئەوەی پیشانمان بدات سەفەری کردووە و بەم سەفەرە چەندە هەست بە لەخۆباییبوون و شانازی دەکا. وەک بڵێی کتوپڕ لەوە گەیشتبوو دونیا چەند گەورەیە.

دینز و بەفری کوێستان

هاوڕێ نەهرۆ

گەنجە تێکسمراوەکە خەڵکی شارباژێڕ بوو بە دینزی گوت برا ناوەکەیشت کوردی نییە. دینزیش بە کورتی سەرگوزەشتەی باوک و باپیرەی گێڕایەوە وگوتی لەسەر داخوازی باپیرەم ناویان لێ نام دینز، دینز وشەیەکی تورکی یە بە واتای دەریا دێت.

نۆرماڵ

رەحمان سۆفی

سەرم ھەڵێنا و تەماشای دەوری خۆم کرد. که ڕوانيم و بينيم دۆستەکەم له پشت سەرمەوه ڕاوێستاوە و به پێکەنينەوه به ڕوو خۆشی گوتی «ببووره که درەنگ ھاتم. ماڵی ئێمه لێرەوه. زۆر دووره بۆيه زۆرم پێچوو. ھەسته با بڕۆين».

لە بیرم دێت (١)

فەڕۆخ نێعمەتپوور

نەکا هۆکاری هەموو دۆڕانەکانی من ئەمە بێت؟... نەکا هۆکاری ئەمە کتێبەکان بن؟ سەیرە، ئەوە دەستی منی گرت و بەرەو کتێبخانەی بردم و گوتی دەبێ بخوێنمەوە و کەچی خۆی یەکجار لە گومان دوور بوو. ئیستا بیردەکەمەوە رەنگە هۆکاری هەموو دڕدۆنگییەکان لە خۆمدا بێت نەک لە کتێبەکاندا.

شەوێکیان

فەڕۆخ نێعمەتپوور

شی جین پینگ کە لە ناو باڕەکەدا، دوور لە نیگای ئەو چوارە، دانیشتبوو و لە رێگای میکرۆفۆنێکی بەهێزەوە قسەکانی هەر چواریانی کۆنتڕۆڵدەکرد، بەو ئەنجامە گەیشت رۆحانی منداڵە، پوتین پیاوێکی لەخۆڕازییە، ترامپ کەرە و ئەردۆغانیش دووڕوو.

چیرۆکی فەرماندە (دووابەش)

فەڕۆخ نێعمەتپوور

 هەموو ماندوو و لەهەمان کاتدا یەکجار هەڵچوو و تامەزرۆن. چاوەکان دەبریسکێنەوە.رۆژانی تەنگانە خەریکە کۆتاییان دێت. فەرماندە کە لە پێشی پێشەوە بەسەر کەرەشینەوەیە، هەروا رێگا دەبڕێ. یەکێک لە هەڤاڵان هەستدەکا شتێک هەڵەیە. فەرماندە بۆ وا بەم لاولادا دەکەوێ؟

ماریا

رەسوڵ سەفەریانی

دێمە ژوورەوە هەست بە بوونی کەسێک لە ژوورەکەدا دەکەم، بەڵام کەس نابینم. دادەنیشمە سەر کورسییەکەم و سەیرێکی تری چراکە دەکەم. کوژاوەتەوە. بەڵام من هەر هەست بە بوونی کەسێک لە ژوورەکەدا دەکەم. دەزانم ماریا لێرەیە. دەیدوێنم، بەڵام هیچ جوابێک نییە.

کڵاوسوور

رەحمان سۆفی

چووينه ژوورێ. سەماوەر گيزەی دەھات. چای له دوای چایی. دوکەڵی سيگاربه با کردن و قسەی لێره و لەوێ. پێم سەير بوو! چۆن ئەمانه تا دوێنێ دانويان پێکەوه نەدەکوڵا يەک کەوﺗوون. ھەوڵم دا که له سەر خۆبم. مات و بێدەنگ گوێ بگرم. کڵاوسوور لە لای درگاکەوه دانيشت بوو.

چیرۆکی فەرماندە (١٠)

فەڕۆخ نێعمەتپوور

ساڵەکان بێگومان تێدەپەڕن. ئەمە خەفەتی ناوێ. ئەمە خەفەتێکی ژنانەیە. پیاوی راستەقینە بەپێچەوانەوە حەزدەکا تێپەڕن. کات، دوژمنی پیاوە مەزنەکانە. دەبێ پاڵی پێوەبنێی. نا من خەو بە دایکمەوە نابینم. کە دەیبینم خۆم لە خەو رادەپسکێنم، هەڵدەستم و لەعنەت لە شەیتان دەکەم.

چیرۆکی فەرماندە (٩)

فەڕۆخ نێعمەتپوور

زۆر جار لەگەڵ براچووکەکەم دەستی یەکترمان گرتووە و لە نیوەڕۆیانی گەرمی هاوین لە بن دیواری کۆڵان دانیشتووین و گوێمان لە ویزەویزی مێش و زەردەواڵەکان گرتووە. لە ئاسمانی ساماڵمان رووانیوە و زانیومانە باوکمان لە شوێنێک لەژێر ئەم پانتاییە شینەدایە. دایکم لە پەنجەرەکەوە هاواری لێدەکردین لەکوێن؟

قاڵاوی سپی

ڕەحمان سۆفی

پێڵاوی نەرم و ڕاحەتی له پێدابوو. گورج و چالاک و ئەرخەيان بەڕێدادەڕۆيی. چاوه سەوزه وردبينەکانی به ئاگا ھەموو کەلێن و قوژبنێکی ئەم بەرو ئەوبەری دەبينی. سەيرێکی جۆگەلەی ئاوی شەقامەکەی کرد. ئاوەکه تەواو ليخناو و لێڵ بوو.