شەهلا نووری
نەمدەزانی دڵی شاعیرێکە
بە پەند بووە
بەدەست کاغەزو پاندان
یا بڵاوبوونەوەی زەخمی کۆنە
سەری هەڵدا و قۆڵپێکی دا
بڵێسەی ڕەوشەن
فریادی ڕەوشەنم
خۆم فەرامۆش کرد
گوم بووم
مینا مانگی هەلاب
کوا باخە هەنار!
ون بووم و
ون بوون
سەوزی و ساردو سڕی،
بەهاری جوانی تروکە تروکی حوسنی زیبای تەمەن
کاروانی هەڵبەست و بەزمی دڵان
ڕەنگێ سووراو، بۆنێ عەتر، بەهارێ گۆڵ و گوڵزاران
کوا جیلوەی چۆلەگە
شنەو شەوبۆێ سەرشاخان
شادی بەرهەمی مانگە،
دووری ڕەز و نەمام و ڕەیحان.
کوا جوانی ئاڵ و واڵای بەرگی کوردی
ڕەوشەنی گەوهەر و گەشت، ڕێ باخ وسەیران
بۆنی سروشتی دڵان
بۆر بوو
مەعلومە لێکدانەوەی بەس بوون فەرموودەی دڵ زاران!
قەڵەم و دەفتر دەرکەوتن
شیعر و دیڕەکان
نووسرانەوە
بە باڵای،
سەروای سورەتی شاعيران
بێداربونەوە
فرامۆشی
زنجیرەی جاڕ و جوری زامەکان
نەمدەزانی دڵی شاعیرێکە
بە پەند بووە
بەدەست کاغەزو پاندان
یا بڵاوبوونەوەی زەخمی کۆنە
سەری هەڵدا و قۆڵپێکی دا
هەڵاوی پرخ و هوڕی
بڵێسەی گڕکان
