ما 580 مهمان و بدون عضو آنلاین داریم

ڕێدار فەریق شێخانی

سەیر نیە

گوڵ بۆنی دوکەڵی شەڕ بداو

پەپولەی موعتادیش

هەستێك بێت شەڕەنگێز

وڕێنەی پاکانە

بادەیەك شکێنراو

لەسەر مێز

 

پاکانەی کەونار

ڕێدار فەریق شێخانی

لەقووڵایی

 بیرە وشك و تاریکەکانی دەروونەوە

خامە

ئەو کەلایانە  دەردێنێ

لە بنی یادەوەریدا عاسی .

هەرچۆن  بێ

شتێکن بۆ خۆ دڵخۆش کردن .

لەساتی سەر مەستی

بە گەوهەر دەرکەون،

بەڵام لە ناواخن

وەکو  گندۆرەی پاییزان

کرموڵن   

لای پیتۆڵان..

ئەو ساتانەی پێنووس

شتێکی پێ نییە بۆ گووتن  

کەچی شەو

     سەری دێڕ

        خەونێکی ناخۆشەو

               دەبزڕکێنێ سووتن

***

ئەگەر گەورەبوون لای هەندێ

لەبڕینی بانک دا بەرجەستە بێ

منداڵییش

لە لێکردنەوەی بەرسیلە قەدەغەکانی

باخچە هەڵواسراوەکانی زەمەن

ئەوا سەیر نییە

سرووتەکانی ئەبەدی

رۆژوویەکی بەتاڵ بێت و

ئیشتیهای ژەمەکان

بۆنی خوێن بیشکێنێ!

سەیر نیە

گوڵ بۆنی دوکەڵی شەڕ بداو

پەپولەی موعتادیش

هەستێك بێت شەڕەنگێز

وڕێنەی پاکانە

بادەیەك شکێنراو

لەسەر مێز

ئەوی وا کە دەڵێ

من ڕووت و قووتم و

شەکەت و زۆر ماندوو،

هێشتا هیچ نەژیاوم و

کۆڵەوارە بازوو!