ما 571 مهمان و بدون عضو آنلاین داریم

و: نه‌ژاد عزیز سورمێ‌

من له‌به‌ر دام ‌ له‌ حاڵ و بار

با خه‌به‌رت كه‌م

تۆ بێ خه‌می

تۆ ده‌ردی دڵت ته‌نیا بیستووه‌

به‌ڵام نه‌ت دیوه‌.

 

                      

تۆكه‌ ناشاره‌زای له‌ نهێنی عه‌شق

لۆمه‌ی ئێمه‌ مه‌كه(*)

 

و : نه‌ژاد عزیز سورمێ‌

 

گیانه‌ تۆ

 سۆز و ده‌ردی

دڵی ئێمه‌ت نه‌دیوه‌

تۆ

له‌ ئێمه‌ بپرسه‌

كه‌ نه‌ت دیون.

 

 

( به‌‌ دڵبه‌ر بڵێ به‌ خۆپه‌نهاندانی بمانكوژه‌

 دڵ ویستی به‌ موراد‌  بگا و

به‌ ده‌ردی خۆی دوایی پێ بێ)(1)

 

به‌ شین و ڕۆڕۆی گه‌رم و

هه‌ناسه‌ی ساردی ئێمه‌

 پێمه‌كه‌نه‌

 

‌تۆ مناڵی

گه‌رم و ساردی دونیات نه‌دیوه‌.

 

(عه‌شق ئه‌وه‌یه‌

  چاوی عاشق ببینی

به‌ ئه‌سرین ته‌ڕ بووه‌ و

خڵتانی‌ فرمێسكی

گریانی

خۆی بووه‌) (2)

 

تۆ كه‌ له‌ نهێنی عه‌شق ناشاره‌زای

لۆمه‌ی ئێمه‌ مه‌كه‌

 

ئێمه‌ نووقمی‌گه‌شتین و

تۆ

 ده‌ریات نه‌دیوه‌.

 

من له‌به‌ر دام ‌ له‌ حاڵ و بار

با خه‌به‌رت كه‌م

تۆ بێ خه‌می

تۆ ده‌ردی دڵت ته‌نیا بیستووه‌

به‌ڵام نه‌ت دیوه‌ .

 

 

 ئاماژه‌ :

(*) ئه‌مه‌ به‌شێكه‌ له‌ قه‌سیده‌یه‌كی درێژتری شاعیری فارسیزمان (جه‌لاله‌ددین عه‌زدی یه‌زدی)

كه‌ له‌ لایه‌ن هونه‌رمه‌ندان (مێهدیێ عه‌باسی و مینای ده‌ریس) به‌ هاوكاری گرووپی نواك –

له‌ سترانێكی مه‌ئاڵ سۆفیدا به‌ تێكهه‌ڵكێشێكی باڵكێش و ‌ شایان كه‌ دوو بڕگه‌ی به‌ زمانی عه‌ره‌بی تێدایه‌ و له‌‌ لایه‌ن خاتوو( مینای ده‌ریس )ـه‌وه‌‌ گوتراوه‌  ‌ - له‌ناو دوو كه‌وانه دانراوه‌ -

ته‌واوی قه‌سیده‌كه‌  فارسی و عه‌ره‌بییه‌كه‌ی ده‌قی ئه‌و سترانه‌یه له‌ یوتووب بڵاوكراوه‌ته‌وه‌‌ ،

 هه‌ر له‌وێوه‌ش كراوه‌ به‌ كوردی.

                                                                وه‌رگێڕ

بڕوانه‌:

https://www.nabavi.co/blog/32354

(1)  و (2) ی ناو كه‌وانه‌ به‌ عه‌ره‌بیه‌ و

له‌ لایه‌ن (عه‌بدولقادر مه‌راغی)یه‌وه‌ نووسراوه‌

خاتوو مینای ده‌ریسی‌ چڕیویه‌تی‌.