عەلی حەمەڕەشید
تیشکی خۆر لەگەڵ باران
خۆشی دەدەن بەم ژینە
دەبنە ھۆی نەخشاندنی
تابلۆی پەلکەزێڕینە
یاری لەگەڵ هەور و باران
.
عەلی حەمەڕەشید
.
چاوشارکێ لەگەڵ ھەور و
سەما لەگەڵ باراندا
بوون بەخۆشترین یاری
لە پاییز و زستاندا
...
بۆ وەرزی بەھارانیش
ھەور و تەرزە و بارانە
دەبن بە جێگەی سەرنج
ھێندە دیمەنیان جوانە
...
تیشکی خۆر لەگەڵ باران
خۆشی دەدەن بەم ژینە
دەبنە ھۆی نەخشاندنی
تابلۆی پەلکەزێڕینە
...
سەرچاوەی ژیانەوەی
خاک و ڕوەک بارانە
بۆ مرۆڤ و گیانلەبەر
پێویستن لەم ژیانە
.....
دەریا و ڕوبار پڕ دەبن
زۆر دەبێ ئاوی کانی
ئاژەڵ و باڵندەکان
دەژین بە شادومانی
