شێعر و پەخشان
فڕین دەمێکە لە قەفەسی جەستەمدا مردوە
- توضیحات
- تاریخ ایجاد در شنبه, 18 اسفند 1397 08:53
ئەمیر کەریم‌نژاد
ئەم رێگایە
دەمی پڕە
لە هەنگاوی ماندو
تا نەڕشێتەوە
کەس نازانێ
چەندم پێواوە تا تۆ
فڕین دەمێکە لە قەفەسی جەستەمدا مردوە
چەند کورتە شیعر
ئەمیر کەریم‌نژاد
***
تۆ وێنەیەکی ئەم سەنگەرە و
کڵاشینکۆفێکی ژەنگاوی
دواین تابلۆی رۆژ ئاوای چاوانت بو
من؟!
کوێربم
کوێربم
هێشتا چاوەکانم دەبینێ
***
ئەم رێگایە
دەمی پڕە
لە هەنگاوی ماندو
تا نەڕشێتەوە
کەس نازانێ
چەندم پێواوە تا تۆ
***
فڕین دەمێکە
لەقەفەسی جەستەمدا مردوە
ئەوەی لە لای من نەماوە
تەنیا باڵەتەپێیەکەو
بەس
***
هەرکات
هەناسەت هەوری دڵم دەگوشێ
لەلای من
شیعر دادەکا.