چیرۆک

سەرنجدان

لە ئینگلیزییەوە: سایتی قەڵەم

 

لە کتێبەکەدا پۆلیس بەشوێن کەسێکی گوماناوییەوەیە. دایکی دیەگۆ هەناسەی سوارە. دیەگۆ بۆ ماوەیەک دەنگی نامێنێ. یەکجار بێدەنگ. دایکی سەربەرز دەکاتەوە و بەشوێنیدا دەگەڕێ. نایبینێ. کتوپر لە لای کات رادەوەستێ، هەناسەی بۆ نایەت.

 

سەرنجدان

لە ئینگلیزییەوە: سایتی قەڵەم

'دیەگۆ' ی تەمەن چوار پێنج سالان لە مەلەوانگەکە خەریکی مەلەکردنە. 'دارلێنە' ی دایکی لە قەراخ مەلەوانگەکە لەبەر هەتاودا دانیشتووە. خەریکی خوێندنەوەی کتێبە. لە راستیدا لە هەوڵی خوێندنەوەی کتێبەکەدایە.

ـ "هەی دایە، من خەریکی مەلەکردنم!"

ـ "بەڵێ کوڕە شیرینەکەم، خەریکی مەلەکردنی."

ـ "دایە، سەیرم دەکەی؟"

ـ "ئەیچۆن کوڕەشیرینەکەم، سەیرت دەکەم."

دیەگۆ هەوڵدەدا ئاو بەسەر کتێبەکەی دایکا بپڕژێنێ. دایکی وادەنوێنێ ئاگای لێ نیە.

ـ "دایە، من هەناسەم لەژێر ئاوەکەدا رادەگرم."

کتێبەکە دەگاتە شوێنێکی یەکجار خۆش. پۆلیس خەریکە بکوژێک دەگرێ. دایکی دیەگۆ هەوڵدەدا بە تەواوی سەرنجی لەسەر کتێبەکە بێت.

ـ "دایە، تۆ سەیرم ناکەی!"

ـ "بەڵێ دیەگۆ! من هەم لە تۆ دەڕوانم و هەم کتێب دەخوێنمەوە. من هەر دووکی ئەمانە پێکەوە ئەنجام دەدەم."

ـ "دایە تۆ سەرنجم دەدەی؟ من خەریکە لە سەر دەستەکانم رادەوەستم."

لە کتێبەکەدا پۆلیس بەشوێن کەسێکی گوماناوییەوەیە. دایکی دیەگۆ هەناسەی سوارە.

دیەگۆ بۆ ماوەیەک بێدەنگ دەبێ. یەکجار بێدەنگ. دایکی سەربەرز دەکاتەوە و بەشوێنیدا دەگەڕێ. نایبینێ. کتوپر لە لای کات رادەوەستێ، هەناسەی بۆ نایەت.

ـ "دیەگۆ، دیەگۆ، خۆت شاردووەتەوە؟ دیەگۆ، خۆش نیە!"

هەوڵدەدا نەترسێ. هەڵدەستێ و بە دەوری مەلەوانگەکەدا دەکەوێتە گەڕان.

ـ "ببووو!"

وەک بڵێی لە غەیبەوە ئەم دەنگە هەڵقوڵابێ. دیەگۆ ئیستاکە لە تەنیشتی دا راوەستاوە.

ـ "دیەگۆ چی دەکەی؟"

کتوپڕ دەکەوێتە گریان و بە توندی باوەش بە کوڕەکەیدا دەکا.

ـ "دەمەوێ دڵنیابم کە تۆ سەرنجم دەدەی!"

ـ "من سەرنجت دەدەم و هەر ئیستا دەچینەوە بۆ ماڵەوە!"

Four-year-old Diego

سەرچاوە:

http://www.really-learn-english.com/english-short-stories-present-progressive-paying-attention.html