چیرۆک

ئەمشۆ

سامان حسینی

وێڕای پێچ و خولێکی ئەفسووناوی و نازاوی سەری هەڵێناو بۆ یەکەم جار پڕ بەچاوە تروسکەدارەکانی سەیری خاوەن پێشنیاری کرد، نازانم بۆ حەزی لەو سەیرانە کردو نەیتوانی چاو هەڵگرێ، بەڵام لێرە کوا کچێک مافی ئەوەی هەیە ئاوا زەق و بە سەرنجەوە لە کوڕێک ڕابمێنێ، ناچار سەری داخست و ڕێ کەوتەوە...

بزەی ئەو شەوە

فەڕۆخ نێعمەتپوور

زۆر نامێنێتەوە. تەنانەت نایەتەوە بۆ ماڵەوە. هەرچی پێ دەڵێم بێسوودە. دەڵێ کارێکی بە پەلەی هەیە و دوواتر حەتمەن سەردانمان دەکاتەوە. کە دەڕوا لە دوواوە لێ ورددەبمەوە. ئەو شەوەم دێتەوە بیر کە کاتێک لەبەر چاوی ئێمەدا فەرماندەی برای لە ماشینەکە دایبەزاند و پشتی بە دارچراکەوە نا تا تەقەی لێبکا و بیکوژێ، لە جیاتی ترس، بزەی لەسەر لێو بوو.

گواستنەوە

فەڕۆخ نێعمەتپوور

دوو سێ ساڵێک دەگوزەرێن و ئەو مێژووی زۆربەی پیاوە گەورە و ئازاکانی رۆژئاوای بۆ خوێندووەتەوە. ئەو پیاوانەی تەنیا لە پێناوی داهاتوودا ژیان. دایکی ئیستا بە جوانی ناپلئۆنی لەبەرە: قەد و قەوارەی، ئەوەی لە کوێ لە دایک بووە، شەڕەکانی و هەروەها چۆنیەتی دوورخستنەوە و مردنی،... تەنانەت ناوی ئەو دوڕگانەی وا ناپلئۆنیان تیا دوورخرانەوە. لە ناو هەموو پیاوە مەزنەکاندا، دایکی سەرنجی زیاتر چووبووە سەر ئەم پیاوە خڕ و وردیلانەیە.

جەنگاوەران

هاوڕێ نەهرۆ

تکایە باسی یاخی بووەکانم بۆ مەکە، لەڕاستی دا لە رقی ئەوان بوومەتە بەعسی، ئەو یاخی بووانە دەستیان بڕوا رەفتاری خراپ ئەکەن ئەگەر باسی کەم و کوڕی یاخی بووەکانت بۆ بکەم پێویستمان بە گێرانەوەیەکە لەچەشنی چیرۆکی هەزارو یەک شەوەیە.

خانووە رووخاوەکە

فەڕۆخ نێعمەتپوور

من کە ئەو شەوەی ناو خانووەکە، چیرۆکەکەم لە دووای چل ساڵ راستەوخۆ بیستبووەوە، وەڕەز لەوەی باسی چارەنووسی دوو ژنەکەی تیانەببوو، بە رقەوە لە خانووەکەم رووانییەوە. راستی چیان بەسەر هاتبوو؟ ئیستا دەزانم مەرج نیە چیرۆکەکان هەموو بەسەرهاتەکان بگێڕنەوە.  

لەسەر کامیان

فەڕۆخ نێعمەتپوور

چەند حەزدەکەم منیش بگرن و خەڵکی شار وەک ئەو باسم بکەن. بە خۆم دەڵێم ئەم جارەیان کە لە زیندان هاتەدەر، لێی دەپرسم چی دەکا وا ئەوەندە خێرا دەگەنە سەری. ئا، بێگومان لێی دەپرسم. ناکرێ من و ئەو وەک یەکتر خەون بە گۆڕانی جیهانەوە ببینین و کەچی هەر ئەو بگرن و لە چواردیوارییە ترسناکەکانی بئاخنن.

ونبوون لە سەرمای پاییزێکدا

ئەحمەد رەسوڵ

ئێستا دوای ئەوەی لە کێشەکە ئاگادارین پێویستە بگەڕێینەوە هەمان جێگا کە لێیدابڕاین لە پێناو باسکردنی کێشەکە. لە کەنار کەناڵە ئاویەکە و بە پاڵ قەدی درەختێکەوە دانیشتبوو، دوای ماوەیەک تێڕامان لە نەوڕەس و مراویەکان، دیسانەوە کەوتەوە بیرکردنەوە لە کێشەکە.

خەونێکی جوانە مەرگ

عبدالقادر ئەرسەلان

لە بەردەم ئاگردانەکە دانیشتبوو لای نەوەکانی، باسی خەم و عەزاب و قەهرەکانی ژیانی خۆی بۆ دەکردن. لەپڕ کوڕەزاکەی وتی: باپیرە کە تۆ تووشی ئەو هەمووە دەردە بووی، ئەی چۆنە تا ئێستا ماویت و دەژیت؟ بەگەروێکی پڕ لە غوبار و نووساوەوە، وتی:"بەخوا کوڕم لەبیرم چوو خۆم بکوژم، لەبیرم چوو".