شێعر و پەخشان

وا خەریکە دڵم دەکوژم

 

سەباح ڕەنجدەر

زەوى لەبەر لاوازى هەموو پەراسووى دەژمێردرێن / ئاڵاى شەکاوە نە بەرە نە سێبەرە / کراس گومانى مارە / ساڵى جارێک هەموو گومانەکانى فڕێ دەدات / گومان فڕێدان / نانێکى گەرم و بۆنخۆشە / تەنوورى ناخ / گوێى لە ئاواز و ئازارى دار ڕاگرتووە و برژاندوویەتى / ڕاهاتووم سەرنجم لەو شەقامانەدا ورد بکەمەوە / ڕوخسارە بێ گومانەکان پێیدا تێدەپەڕن / لەسەر نووکى پەنجەکانت دێیت / لەپشتەوە چاوم دەگریت و مژدەیەکى لەپڕیت / تێناپەڕیت و لەگەڵمدا دەمێنیتەوە و دەبینە سڵاوى خودا

 

دووەمین پێشوازى

 سەباح ڕەنجدەر         

چاوى شەهوانى ئەستێرەى شوان/ بە چرپە و هاوارەوە گوتى لەگەڵ تۆمە/ بڕۆ کەژاوەى جەژن و جەنگى ئایینەوە/ پێش تۆ دڵپڕى تر/ دڵگەرم و هۆگربوون بە مەحاڵى هەزار ڕەنگ/ مەحاڵ دوا یار و مەشخەڵ و نوێژى ساتى ساکارى بووژانەوەمە/ هەزار ساڵ لە ڕێگا لەگەڵیدا دەمێنمەوە/ بە نان و ئاوى قوڵفى گۆزە دەژین/ پیتى چامەى باڵندەکانیش چاوى شکۆمەندى ئەوینن/ لە کرمى بن زمانى/جانەوەرى کێوى و/ دێوڕەوشت و/ پەیام شڵەژاو و/ گۆشتدزى پشیلە/ ئاگادارمان دەکەنەوە

پەيڤێكى رەشتاڵ

ئەرشەد ئاسی

كە من كەشكەشانى فەلەكم بينى لە چاوەكانت
رۆندكەكانى دادەكەنى و
هەژمەتى خۆى دەشووشتەوە،
تۆش لە چڕى خامۆشيدا؛
دڵت هەڵدەواسى لەسەر ديوارى فرەوانى پايتەخت
لە چەشنى ناقوورێكى كۆنى نێو زەريايەكى گەلێ سەخت

وەرزی پێنجەمی خۆشەویستیی

کەزاڵ ابراهیم خدر

 

گەر ئەمجارە دیاریت بۆ کڕیم /کراسێکی شینم بۆ بکڕە /تا لەگەڵ ئاسمان ببمە هاوڕێ /بۆ دووەم جار /کراسێکی سەوزم بۆ بکڕە /تا سنەوبەر بە گەڵاکانی دامپۆشێ و /باخەکان ببنە دەستگیران /بەڵام هەرگیز نەکەی / کراسێکی رەشم بۆ بکڕی /چونکە من نامەوێ /جەستەم ببێتە شەوێکی گریاوی /بێوەژنێکی نیشتمان.

دونیا پروسەیەکی دۆڕانە

  

 هاوڕێ نەهرۆ

 گیانم

 لەسەر سکڵی روژگار

سەما دەکا.

وەک جیوەیەکی سەر شێت

ئوقرەی لەبەر براوە.

گاهێک وەک بڵێسە هەڵدەچێ

 گاهێک خاموش و

دەستە وەستانە.

دوو پارچە شێعر

رەسول سەفەریانی

 

بیگێره‌وه‌ دایه‌ مێژوو / ئه‌گه‌ر هاتوو له‌ داهاتووش / خێڵێکی تر وه‌ها هه‌بو / با بزانن که‌ دروێنه‌ / مه‌زرای ژیان / پته‌و ترو به‌ هێزترو...ئه‌ستور ده‌کا / با بزانن / چۆمی بڕوای به‌ر پێ گیراو / ماوه‌ی عومری گوڵێکی سوور / له‌ بیرێکی نه‌ ناسراو / ده‌بێته‌ ده‌ریای بێ سنوور

 

دوا شوێن

  سەباح رەنجدەر 

کراس گومانی مارە/ ساڵی جارێک ھەموو گومانەکانی فڕێ دەدات گومان فڕێدان/  نانێکی گەرم و بۆنخۆشە/  تەنووری ناخ/ گوێی لە ئاواز و ئازاری دار ڕاگرتووە و برژاندوویەتی/ ڕاھاتووم سەرنجم لەو شەقامانەدا وردبکەمەوە/ ڕوخسارە بێ گومانەکان پێیدا تێدەپەڕن/ لەسەر نووکی پەنجەکانت دێیت/ لەپشتەوە چاوم دەگریت و مژدەیەکی لەپڕیت / تێناپەڕیت و لەگەڵمدا دەمێنیتەوە و دەبینە سڵاوی خودا/ ئەو بەختیارییە بە گومان ڕادەگەیەنین

 

پیاوەپیرەکان

پێشەوا کاکەیی

 

 

پیاوەپیرەكان...

لە هزردا هەمە چەشنەن.

دەشڵێن: "فەیلەسوفێكی سروشتین" * 

نەختێكیان ـ پاڵیان بە مەرگ داوەتەوە.

نەختێكیشیان ـ ژیان دە فنجانەیێكی گوڵ دەكەن و،

ئاوی دەدەن.

كەڕەتیوایە ـ بۆنی ڕێحانە دەكەن.

كەڕەتیوایە ـ باسی هەست دەكەن.

كەڕەتیواش هەیە ـ دەستی منداڵ دەگرن.

 

سێ کورتە شێعر

رەسول سەفەریانی

بەیانی زوو

ژیاننامەی خونچەیێکم دەخوێندەوە

چاوی هەڵدا و هات پێکەنێ

بایێکی سارد

خەندەی لێوی کردە سەهۆڵ

باخەوانیش لەخۆشیدا

گوڵی لێوی دەپشکووت و

دەس بە چەپڵە سەنای دەکرد