شێعر و پەخشان

ناونیشان بێ گۆڕه‌پانی جه‌نگه‌كانییه‌وه‌

سەباح رەنجدەر

ڕووناكی و مۆسیقا‌ ڕوخساری شاعیرێكن به‌ دوژمن ده‌وردراو

كه‌ ڕۆیشتم پێڵووی شووشه‌ی چراكانم هه‌ڵێنا و مانگم به ‌ڕێگاوه‌

كه‌ڵه‌باب و مه‌لا ده‌ستڕه‌شترین دێوه‌زمه‌ی یه‌كترن.

ناونیشانی یادێكی كۆچكردوو

جەلالی میرزاکەریم

 

كاتێ ڕۆییم.. گوڵه‌شه‌وبۆ

لێوی تینووی ته‌ڕ نه‌كردم.

په‌ڵه‌ی خه‌ستی.. چاوی ئاسۆ

بۆ لا نیگای خۆی نه‌بردم.

نزایەک بۆ دیدار

سەباح ڕەنجدەر

شاعیرێکى شەهید بەسەر زینى ئەسپەکەیەوە دێتەوە

دەڵێت خوێنم بۆ کۆکردنەوەی پەراوێزەکان بەکاربهێنن

نزیك باخچه‌ی گشتی

و. نه‌ژاد عزیز سورمێ

ئامۆژگاری دەكردم:

ژیان بە نەرمی وەربگرم

چوون گیا

لەسەر بەنداوان پێدەگا

بەڵام من

وەك هەر لاوێكی گەوج مامەوە

نەورۆز

رۆستەم خامۆش

تـه‌مــاشـــا كــــه‌ن خـــه‌ڵــكـیـنــه‌
كـوردسـتـان  چــه‌نــد ڕه‌نـگــیـنـه‌

دڵـــگـــــیـــــــره‌، ئـــــــاوه‌دانــــــه‌
كــــاتی گـه‌شـت و  ســـه‌یرانـــــه‌

نوستووی به‌ر باران

و. نەژاد عزیز سورمێ

نوستووی؟

 نه‌ء بێداریی؟

ئایا تۆ خۆر

بۆ شار ده‌به‌ی

تا گڕ له‌ كۆڵانه‌ نوستووه‌كانی به‌ر باران و

چیمه‌نه‌ شێداره‌كانی نێوانیان به‌رده‌ی؟

نیاز

و. نەژاد عەزیز سورمێ

ئه‌ی خۆری گه‌رم و ژیانبه‌خش!

له‌ ئامێزی تۆدا ده‌مرم

له‌ ئامێزی سپی پڕ به‌هاری تۆدا

له‌ ئامێزێ كه‌ ماته‌مینی لێ دووره‌

له‌ ئامێزێ مه‌مكی پاكی چاوگه‌ی نووره‌.

نیشتمانه‌ باڵداره‌كان

 نه‌ژاد عزیز سورمێ

 

كوێره‌ڕگایه‌ك نه‌ما
هیوای تۆزاویمانی پێ بسپێرین!
ڕێژنه‌یه‌ك
له‌ ئاره‌زوویه‌كی ئه‌فسووناویدا خه‌مڵیوه ‌
به‌سه‌ر دارستانی دڕنداندا ده‌بارێ

نیگەرانیی

رۆستەم خامۆش

وەلێ ئەفسـووس كەس ناپرسێ
لــە ســــووتـان و لـــە تـەنـيـاييم
بـــە کــوڵ دەگــريـم لـە نـاخـەوە
بـــۆ نـامـۆيـی و  بـێ ئـاشـنـاييم

نیوەڕۆخەو

لە سویدییەوە: رەحمان سوفی

هەڵۆکان بەرز دەبنەوە، و

بەرزتر بەسەر خێڵی خوەتواندا

لەوێ خەوی خێڵە،

و لێرە چەرخی کاروان

چەشنی برووسکە با ئەداتەوە.

هاوئامێزی

لە فارسییەوە: بەناز ئەحمەدی

من لە رەگەزی شەوم

تۆ لەرەگەزی بەیان

بەیەک دەگەین

لە رەشایی سێبەرەکانمان

لە کاتی هاوئامێزیی دوو وەرز و

کۆتایی

قوڵپی هەینییەکان.

هاووڵاتیی جگەرسووتاوی من

لە فارسییەوە: بەیان رەزائی

لە شوێنێکی دیکەیش...

جەهەننەمێک پڕە لە پەرییە خەمینە دەریاییەکان

ئەو مەزرایانەی کوێرن و

ئەو زەمانانەی دوورن و

رۆژە بێ تیشکەکان

هاوینی ٢٠٥٧

 گۆران ڕەسووڵ

شەوێکیان باوکم مرد
بەرماڵەکەی دەربەست نەبوو
نوێژەکان گوێیان پێنەدا
ڕۆژووەکان، یەکێکی تر هەر دەبێ بیانگرێ.

 

هه‌ندێ ورده‌ تێبینی

نەژاد عزيز سورمێ

 

مه‌رگ له‌ حه‌قیقه‌تی بێ سنووره‌وه‌ دێ

ڕۆژانی خه‌مباری ده‌بێ بڕۆن

كام و ناكام له‌ نه‌خشه‌ی ته‌مه‌ندا چی ده‌گه‌یێنێ؟

ئاوێنه‌ی پێخوست، ئاشنای ته‌نیا باڵ!

مه‌رگ له‌ حه‌قیقه‌تی بێ سنووره‌وه‌ دێ.

هه‌واڵی ترسناکی کۆڵانه‌کان

 

هاوڕێ یوسفی

گه‌ر چاوه‌‌ڕوانی شه‌فاعه‌‌تی ئاسمانن

ده‌ی بۆ مێژووی ژیانمان قه‌ت  تامی گه‌نمی هه‌ڵنه‌گرت

ده‌ی بۆچی گه‌نم و قه‌یسییه‌کانی له گریانه‌وه‌ گلان؟