شێعر و پەخشان

لە گەڵ سێبەرشکێن... ئاوەڵتەورم

تاهیر مەهابادی

لە شەرارەی شەرابی شێتی دا 
هەموو شەوێ سفرەکەمان لێم دەتۆرێ
لە داخی پارووی ئەو شێعرە وجاغکوێرانەم 
هەموو شەوێ 
سفرەکەمان گۆڕستانی مێروولەکانە

لە گۆرانیی ئەسكیمۆییەكانەوە

و: نه‌ژاد عزیز سورمێ

هەستن!

لە متبوونی درێژی زستانە
بێدار بنەوە
كە چاوی سپێدەی تێدا قورس كردوون و
ئێوەیشی قورس كردووە  
ڕۆژی ژیان، لە ڕۆژهەڵاتەوە هەڵدێ‌

لە نوێژی ئەم...

سەباح ڕەنجدەر

من پیاوێکی بێ ڕێگام و پرچم هاتووەتەوە سەر ناوچەوانم

دەڵێی لە ئاگرەوە هاتووم
خۆ بدەنە بەر گەرمایی دەمودووم
کتێبی حاڵم زۆر داوە بە هاوەڵانم بیخوێننەوە

لە هەرەسی دەریا و دونیا

هاوڕێ یوسفی

دووڕیان بوو
بەدووبەرەکیدا کەوتین
دوودڵی سێوەکانی پێ لەتکردین
دونیا لێوڕێژە لە جادە و کەوش و...
کەوش؟

لەبەر ڕۆشناییی ڕۆحگەراییەوە

"ڕۆژ هەڵەبجەیی" و "پێشەوا کاکەیی"

سیسرکە، بە فڕینێکی شەلەوە:
دەگاتە قوژبنی دیوارەکان.
بێئاگا لە مرۆڤ،
هەموو دیوارەکانی بە ژەهر قیرتاو کردووە!

لەناو چەند ھەواڵێک ھەواڵێک

  سەباح ڕەنجدەر

 باڵندە لە تەمی بۆردوومانیشدا ئاسمانی بچووک نابێتەوە /  بە تاسەوەش بۆنی گەرمایی ھێلکەکانی دەکات / ھەمیشە درەنگانی شەو وێنە دەکێشم و پەڕەمووچ ھەڵدەفڕێنم / پێش ڕۆژبوونەوەش ھەستم خۆش دەبێت / شیعر و یەکەمین ھەتاو دەخەمە بەرپێی سواران  / ئیدی کارم لەناو جێدا نەماوە  / بفەرموون نان و پەنیری ماڵان بوونەتە شیعر و یەکەمین ھەتاو/ لە ژیانی تایبەتیمان دەپرسن / تیشکێک مێزی نووسینمی کردووەتە دوو بەش  / بەشی سێبەری زۆر /  بەشی ڕووناکی کەم /

لەنگستن هیوز بەناوبانگترین شاعیری رەش پێستی ئامریکا

و، کوردی: سولەیمان سۆفی ساڵحی

ژیانی ئەدەبی هیوز زۆر بەرهەم هێنەر بوو. سەرەتا لەگەڵ شیعر تێکەڵاو بوو و پاشان دەستی بە نووسینی چیرۆک و حەقایەت و شانۆنامە کرد. وتارگەلێکی ئەدەبی و کۆمەڵایەتی یەکجار نووسی. چەن دەقێکی بۆ ئۆپێڕا و شانۆنامەکانی برادۆی و یاریەکانی ڕادیۆ و تلوزێنی سازداو چەندین کتێبی بۆ منداڵان تۆمار کرد. تەواوی دەسکەوتی ئەو بەرهەمە ئانالیزە کراوانەی ئاخاوتن و شرۆڤە کردنی لایەنە جۆراوجۆرەکانی ژیانی ڕەشەکانە. 

لێرەوە ئافرەتێک تێپەڕی

هاوڕێ نەهرۆ

تێکرای یادگاریەکانم کۆ کردەوەو
بە درەختیکەوە هەڵمواسین
لە تەمەنی پایزو
لە وەرزی خەزان
سەرجەم هەڵوەرین!

لێرەوە ئافرەتێک تێپەڕی

هاوڕێ نەهرۆ

 

تێکرای یادگاریەکانم کۆ کردەوەو
بە درەختیکەوە هەڵمواسین
لە تەمەنی پایزو
لە وەرزی خەزان
سەرجەم هەڵوەرین!

ماسادۆنیا و گۆرانییه‌كانی

نەژاد عەزیز سورمێ

كوڕو كچێك

یه‌كدییان خۆشده‌ویست و

ماچیان نه‌ده‌زانی

كچ كوڕه‌كه‌ی به‌ چاوی ڕه‌شی ماچ ده‌كرد

كوڕه‌كه‌یش ده‌نكه‌ ترێی

له‌ ده‌می كچه‌كه‌ ده‌نا

ماسکەکەت فڕێدە ئەی شۆخ

ناڵە حەسەن

ئەی شۆخ

لە نێو کیشوەری باراندا

پێویستیت بە ماسک نیە

لێرە پێویستیت بە پەنجەرە نیە بۆ ڕوانین

لێرە هەموو شتەکان ڕووتن وەکو ئاو

مانگەکانی ساڵی کوردی

رۆستەم خامۆش


مـنـــداڵانـــــی ژیــــر و ئــازیــــز
مــانــگــەکــانــی وەرزی پــایــــز

ڕەزبــــەر ، لــەگــەڵ گــەڵاڕێـزان
(سـەرماوەرز)یش پڕ لـە خـەزان

مانگی شیراز

و: نه‌ژاد عزیز سورمێ

عاشقان

بە خوێنی من خۆیان دەشۆن

غەریبانیش بە شیعرەكانم

لە مەنفادا

شیراز بنیات دەنێن  

مانیفێستۆی ژمارە ١٢

گۆران رەئوف

 

شەوێک بەدیار تەماشاکردنی / گرتە سێکسییەکانی مۆنیکاوە /دەسپەڕ دەکەیت /بە شەکەتی دەنویت و /بەیانی دایکت وەخەبەرت دێنێ و /دەڵێیت: /بڕۆ بتڵی غازەکە بگۆرە و /وایەری پچڕاوی تەلەفۆنکە ببەستەوە و /پارەی کارەبای ئەم مانگەش ببە بۆ فەرمانگە! /تۆ باشتر نییە خۆت بکوژێت، باشتر نییە؟!