فەڕۆخ نێعمەتپوور
نووسین سەبتی گۆڕانە لە سەر کاغەز و دەستەمۆکردنیەتی بۆ ئەوەی بتوانین بە پێچەوانەی لۆژیکی سروشت بگەڕێینەوە سەری. نووسین لەقاودانی حەزی خۆشاردنەوەی بوون و ئاشکراکردنی رەوتە سەرەکییەکانیەتی.
فەڕۆخ نێعمەتپوور
زۆر جار نووسین باس لە بزربوونی ئیرادە و هەستی ئازادییە. ئەمەیش بەشێوەی حەتمی بەمانای بزربوونی ئەم چەمکانە لای نووسەر نیە، ئەوەندەی بە مانای خەسڵەتی زاڵی ناو کۆمەڵگایەکی دیاریکراون. نووسین هەندێ جار داننانە بە ملکەجبوونی مرۆڤ بە چارەنووسی خۆی.
فەڕۆخ نێعمەتپوور
ئێمە دەنووسین لەبەر ئەوەی دەخوێنینەوە. نووسین بەشێوەی سەرەکی گوزەرە لە هەناوی وڵاتی خوێندنەوەوە. نووسین گەڕانەوەیە بۆ دەقەکانی پێش خۆمان، بەڵام بەشێوەی ئەکتیڤ و چالاک؛ وەها کە بتوانین دەقی تریان لێ بەرهەم بێنین.
فەڕۆخ نێعمەتپوور
ئێمە دەنووسین لەبەر ئەوەی نووسین هەوڵدانە بۆ خۆدەربازکردن لە هەستکردن بە نامۆیی. نووسین بەسوبژەکردن و بەتاککردنی جیهانە. خوڵقاندنی جیهانەکانی ترە لە پاڵ جیهانی دەرەوەدا. نووسین رۆچوونە بە ناو پرسیارەکاندا بە بێ دۆزینەوەی وەڵامێک بۆیان.
فەڕۆخ نیعمەتپوور
ئێمە دەنووسین لەبەر ئەوەی نووسین (یان نووسەری) دەبێ بە بنەڕەتی 'بوون'. بوونێکە هەم وەک دەستپێک و هەم بە درێژایی ژیان. نووسین تەنیا ئەو کاتانە نیە دەنووسین، بەڵکو ئەو کاتانەیشە لە بوون وەک ئامراز یاخود وەک گشتییەتێک بۆ پرۆژەی نووسین دەڕوانین.
فەڕۆخ نێعمەتپوور
ئێمە دەنووسین لەبەر ئەوەی دەمانەوەی لە رێگای دەقەوە لۆژیک و یاسا و سنوورەکانی مێژوو تێپەڕینین و لە جیاتی دەقی وێنەئاسای مێژوو، دەقی زیندوو لە هەمان وێنە پێشکەش بکەین. نووسین باسکردن لە دیوە شاراوەکانی ژیانی کۆمەڵگا و تاکە.
فەڕۆخ نێعمەتپوور
لە رێگای نووسینەوە هەم خۆمان و هەم خوێنەر رادێنین کە چلۆن بەرامبەر گەورەترین رووداوی ژیانی خۆی کە نەفی ژیانە بێتەوە. دەق دەرفەتی ئەم ئەزموونە لە رێگای وشەکانەوە دەڕەخسێنێ و بەم شێوەیە مرۆڤی کتێب خوێن لە کاتی مەرگدا هەمان مرۆڤی غەیرە کتێب خوێن نیە.
فەڕۆخ نێعمەتپوور
نووسین گێڕانەوەی بەسەرهاتی مرۆڤ و عەوداڵبوونی بەشوێن خۆشبەختییەوەیە، نووسین نوواندنەوەی رێژەیی بوونی ئەم هەستە و بەردەوامبوونی بەردەوامیی مرۆڤ لەپێناویایەتی. دەق شوێنێکە لە نێوان خۆشبەختییەکان. بۆیە لەگەڵ خۆی هەمیشە هەڵگری تراژێدیایشە.
فەڕۆخ نێعمەتپوور
رەنگە زۆر جار ئەمەمان وەک خیانەت لە خۆمان و لە بیروباوەڕمان بێتەبەرچاو، بەڵام لە راستیدا وەها نیە. لەبەر ئەوەی ئەمە لۆژیکی نووسینی دەقە. دەق گەر دەیەوێ دەربڕی حەقیقەت لە بەربڵاوترین مانای خۆیدا بێت، دەبێ نووسەر ئەوە بزانێ کە مامەڵەیەکی پلۆرالیستیانە لەگەڵ حەقیقەت بکا.
فەڕۆخ نێعمەتپوور
دەنووسین چونکە نووسین سەرلەنوێ پەیداکردنەوەی هەموو ئەو دیاردانەیە وا لامان وایە نەماون و کەچی ماون. ئێمە دەنووسین چونکە دەمانەوێ مردووەکان بانگهێشت بکەینەوە بۆ ئەوەی لە بەڕێوەبردنی ئەرکی قورسی ژیان یارمەتیمان بدەن (وەک چۆن سێ پاڵەوانە سەرەکییەکەی رۆمانی Lord of the Rings، ئاراگۆن و لێگولاس و گیملی روو لە مردووەکان دەکەن بۆ ئەوەی لەشەڕ لەگەڵ دێوەزمەکان یارمەتییان بدەن).
فەڕۆخ نێعمەتپوور
ئێمە دەنووسین چونکە زمان دەبێ بە تەنیا بوونەوەری ناو زەینی نووسەر و بە تەنیا رێگای رووبەڕووبوونەوەی لەگەڵ جیهان و لەگەڵ گەردوون. ئێمە دەنووسین چونکە دەمانەوێ لەرواڵەتی شتەکان تێپەڕین و بگەینە ناخیان. ئەو رواڵەتەی وا هەمیشە دڵەڕاوکێ دەخوڵقێنێ و ئەو ناخەی وا هەمیشە دڵنیایی دەبەخشێ.
فەڕۆخ نێعمەتپوور
دەنووسین لەبەر ئەوەی دەمانەوێ لە مرۆڤی پاسیفەوە ببین بە مرۆڤی چالاک و خوێنەرەکانیشمان بەرەو ئەم چارەنووسە بانگهێشت بکەین. نووسین حەقایەتی سەرگەشتەیی مرۆڤە لە نێوان دوو چەمکی 'من' وەک تاک و 'من' وەک گشت. ئەو سەرگەشتەییەی پێویست نیە وەڵامی هەبێ ئەوەندەی دەتوانێ خاوەن وەسف بێت!
فەڕۆخ نێعمەتپوور
شەڕەکان ئەو کاتە سەرهەڵدەدەن کە جیهان لەسەر پێوەندی 'سەربەخۆ ـ کۆیلە' راوەستاوە، نەک لە سەر پێوەندی نێوان 'سەربەخۆ ـ سەربەخۆ'. سەربەخۆکان ناوێرن شەڕی یەکتر بکەن چونکا قەت نابنە کۆیلەی یەکتر. جگە لەمە ئەوانەی باوەڕیان بە سەربەخۆیی خۆیان هەیە باوەڕیان بە سەربەخۆیی ئەوانی تریش هەیە و لێرەوە نایانەوێ بە کۆیلەکردنی ئەوانی تر خۆیشیان خۆیان بەکۆیلەبکەن.
سەباح رەنجدەر
هەر بە ڕێ ڕوونی كتێبەوە لەگەڵ خەمی هەستپێكراو و دنیای زەینی زۆرێك لە شاعیر و نووسەران ئاشنا و پێیانەوە پەیوەست بوویمە، كەم و زۆر توانای ئەوان لە خۆڕاچڵەكاندن و گەشە و پەروەردەكردنی ئەقڵ و خەیاڵ و داڕشتنی بینا و بینایی من، گەنجینە و هێزی ڕۆح و پێوانەی شیاو و سەرچاوەی درەوشاوە و سۆزی شاراوە بوونە.
خوێندنەوەی: رەسوڵ سەفەریانی
ئه‌م نووسه‌رانه له‌سه‌ر ئه‌و بڕوان که نه‌چوونه ژێر باری زوڵم و قه‌بوڵ نه‌کردن و به‌ره‌نگاربوونه‌وه ده‌کرێت به شێوه‌گه‌لی دوور له توند و تیژی و مه‌ده‌نیانه بێت.