چیرۆک

دوو بزن

The Two Goats Story | Moral Stories

یەک لە بزنەکان بەوی تری گوت بگەڕێوە رێگا بۆ هەردووکمان نیە. ئەوی تریان گوتی بۆ من بگەڕێمەوە، تۆ بگەڕێوە! بزنەکە گوتی من لە تۆ بەهێزترم دەبێ تۆ بگەڕێیتەوە. ئەوی دیکەیان گوتی تۆ لە من بەهێزتر نیت. بزنەکە وەڵامی داوە دەیبینین. ئەوسا شاخەکانی دانەواند بۆ شەڕکردن.

پێ و قەدەم

PRESSPUNKTEN -

فەڕۆخ نێعمەتپوور

من ئیتر بەرەبەرە تەمەنم هەڵکشابوو و ئیستاکە مێردمنداڵێکی چاوڕەشی گەردن قەیتان بووم کە لە راکردندا هیچ منداڵێکی نەک گەڕەک بەڵکو شاریش نەیدەگەیشتێ. باوەگەورە ئەم توانای راکردنەی منیشی بە توانای شەیتان لێکدایەوە و پێی وابوو من تەنیا بە قاچەکانی خۆم راناکەم، بەڵکو بە دوو قاچی شەیتانەوە بە چوار رادەکەم.

سەبەتەی پیازەکە

هاوڕێ نەهرۆ

ئەویش گوتی، حەز لە دەم و چاو و سیمات دەکەم، حەز لە لەش ولارت دەکەم. ئیدی خۆی و کچەکە لە رۆژانی دوایی هاتۆچووی یەکیان دەکرد بەڵام کچەکە حەزی لە سێکس نەبوو، کاتێک پیاوەکە کچەکەی دوواند کە بۆ چی حەزی لە سێکس نییە، کچەکە لە وەڵام دا گوتی من حەزم لە ئافرەتە، ئافرەت زیاتر سەرنج ڕاکێشە، بەڵام چی بکەم ئافرەتم دەست ناکەوێ.

دنیا بە گونم

فەڕۆخ نێعمەتپوور

سەروبنی رووداوەکانم بۆ یەک نەدەهاتەوە. کتوپڕ بڕیارم دابوو بچم بۆ سەربازی، لە دووای دە رۆژ بەڕێیان کردبووم، لەناو ئوتوبووسەکەدا هەستم بە پووچی کات و ژیان کردبوو و ئیستاکەیش بەتووش پیشمەرگەوە ببووم کە باسی عەیبەیان دەکرد. ئا 'عەیبە'،... راستی 'عەیبە'. ئیستا من دەمزانی کێم  و چیم، من ئەو وشەیەم دۆزیبووەوە کە بە باشترین شیوە ژیانی منی وەسفدەکرد و کەچی من لێم ون ببوو.

ژیانی خۆشی من (٤)

زنجیرە چیرۆکی: ژیانی خۆشی من (بەشی ٤)

بابەت: چیرۆکی منداڵان

لە سویدییەوە: رەحمان سۆفی

لێرە دایبگرە

دەرگاکە پێوەدەدەم

فەڕۆخ نێعمەتپوور

ئێوارەیان جاری وایە لە کەلێنی درگاکەوە سەیری دەکەم. سەیری کچەکەم. ئەویش پاڵی بە سەر سەرینەکەوە داوە و خەریکی خوێندنەوە و دەرس و دەورە. خەریکی یادداشت هەڵگرتنەوەیە. سەیرە، هەموویان کە دەگەنە تەمەنێک یادداشت هەڵدەگرنەوە.

بژی هۆگر

غەفوور ساڵحی

مامە خولە، ھەر گێلەگێلی دەکرد و بەجێی وەڵامی پرسیارەکەی کوێخا، بەشوێن ئەوەوە بوو کە چۆن تووڕەو تووڕەتری بکات. دەرس و دەور بەتاڵ و، خوێندگە ھەموو داخرابوون. خاشیرین، لە بێتاقەتی خۆی ھاتبووە ڕێ پێوان و تەنانەت سۆزان ی کچیشی کە خوێندکاری پۆلی سێھەمی سەرەتایی بوو، لەگەڵ خۆی ھێنابوو.

شوێنێک لە ئاسمان

فەڕۆخ نێعمەتپوور

بەفرە دوو جۆرەکە هەر بەرەو خۆیان رامدەکیشنەوە. من کە دڵنیام ئەوەی یێشەوە هەر لە پێشمەوەیە و من تەنیا بە هۆی کڕێوە و تاریکییەوە نایبینم، لەبەر خۆمەوە پێی دەڵێم بریا بارەکەت قورستر دەبوو بۆ ئەوەی جێ هەنگاوەکانت باشتر دیاربوونایە، وەک چۆن هی من بۆ ئەوەی دوواوە جوانتر دیارن!

وێستگە

Bus station Painting by Aziz Hounti | Artmajeur

فەڕۆخ نێعمەتپوور

راستی ئەم ساڵ چەند ساڵە لێرەم؟ هەوڵدەدەم بیژمێرم. یارمەتی لە پەنجەکانم وەردەگرم، بەڵام کتوپڕ رێک لەناوەڕاستی ژماردنەکەدا خەیاڵم دەڕوا. سەرلەنوێ دەست پێدەکەمەوە، دیسان خەیاڵم دەڕواتەوە، دیسان دەست پێدەکەمەوە،... دیسان...،... ئاە نەفرەت لە ژماردەن و لە خەیاڵ و لە راوەستانی هەموو رۆژە و دەیان ساڵە لە وێستگەیەک!

رەشەبا

طرح ساده گزافیکی از درخت پاییزی و پرستوها

فەڕۆخ نێعمەتپوور

ئەوەندە دەڕۆین دەگەینە سنووری کووەیت. من کە بە چاڵەکانی ئەنفال و جێی بۆمبەکان و بە پاشماوەی تەرمی سەربازە عێراقییەکان دەیناسمەوە و دەزانم رێگام هەڵە کردووە، بۆ دڵخۆش کردنی دایکم دەڵێم ئەوەندەمان نەماوە بگەینە مەککە و مەدینە، مەگەر تەواوی تەمەنت حەزت نەدەکرد بچیت و زیارەتیان بکەیت!