لە ئینگلیزییەوە: سایتی قەڵەم
لەوە دەچوو کچەکە لە کاتێکا لەسەر بانی خەریکی یاریکردن بووە سەری یەکێک لە تانکی ئاوەکان کراوە بووبێ. پێدەچێ ئەویش سەیری ئاوەکەی کردبێ و لە پڕدا کەوتبێتە ناویەوە. تەرمی کچەکە بۆ سێ مانگ بە بێ ئەوەی کەس پێی بزانێ لەناو تانکی ئاوەکەدا مابووەوە.
لە ئینگلیزییەوە: سایتی قەڵەم
ئێمە دەبێ هەموو ئەو شتانەی وا راستەقینە نین و کەم بایین و کەچی لامان وایە گرانبایی و راستەقینەن لە خۆمان دوور بخەینەوە. جا ئەمە دەتوانێ عادەتەکانمان بن، نەفرەت، پێوەندە خراپەکانمان و هەروەها ئەو بیر و کردە ناشیرینانە بن وا رۆژانە گیرۆدەیانین. دەست کێشانەوە لە ناڕاستەقینە دەبێتە هۆکارێک بۆ گەیشتن بە شتە راستەقینەکان.
فەڕۆخ نێعمەتپوور
ئەو کە سەرەتا دڕدۆنگە و نازانێ بڕوات یان دەعوەتە کتوپڕی و چاوەڕواننەکراوەکەم لێ قبوڵ بکات، ئارام لە پەنجەرەکەوە تێدەپەڕێ و دێتە ژوورەوە. بە شوێنیا بۆیەکی سارد لە چەشنی ئاسن، ئەویش لە پەنجەرەکەوە تێدەپەڕێ و دەچێتە ژوورەوە. لەبەر خۆمەوە دەڵێم وای لە خۆی کردووە بۆ ئەوەی کەس نەیناسێتەوە. تەنانەت خودایش.
فەڕۆخ نێعمەتپوور
ئەحە سینگ شێر کە سەرەتا گوێی بە ئەحە فشەکەر نەدەدا، لە دووای ئەوەی ئەحە چەند جارێک چاییەکانی بۆ حسێب کرد و بۆ کەبابێک لە باشترین کەبابخانەی شاریش دەعوتی کرد و بگرە بە دەسماڵە مەشەدییەکەی دەوری ملی پێڵاوە رەشەکانیشی بۆ سڕییەوە، ملی دایە ئەوەی ئەحە فشەکەر شوێنی بکەوێ و بە یەک یاخود نیو هەنگاو لە دوواوە بە شوێنیا بڕوات.
فەڕۆخ نێعمەتپوور
لای ئێوارە سەعاتی پێنج کتوپڕ چەند ماشین لەبەر ماڵەکەیدا بەهەڵەداوان رادەوەستن و بەشێوەیەکی زۆر ترسناک لە دەرگاوە و بەسەر حەساردا خۆ بە ژوورەوەدا دەکەن. لەو چوار سەیارەیە یەکیان ئیدارەی ئیتلاعاتە، ئەوی تریان ئیدارەی خەباتکردن لە دژی فەسادە ئەخلاقییەکانە، دانەکەی تریان ئیدارەی پاراستنی ئاژەڵ و ژینگەیە و چوارەمیشیان بەشی رادیۆ و تەلەفزیۆنە.
لە ئینگلیزییەوە: سایتی قەلەم
کاتێک مەرەتیس دەگاتە شوێنی کارەکەی، سڵاو لە سکرتێرەکەی دەکا. ناوی سکرتێرەکەی 'بێڵ'ە و ئەویش زۆر حەزی بە رێک و پێکییە. بێل لیستێک لەو کارانەی وا مەرەتیس دەبێ ئەنجامیان بدا دەداتە دەستی. هەروەها لیستێک لەو کەسانەی وا لەوەپێش زەنگیان داوە.
هێمن ئەمینی
لە نێو شەوەزەنگی فکر و خەیاڵاتی ئاشنا؛ تاقە ساڕێژ، ڕەنگە ڕووناکی تەسویرێک بێ. ئەوەی لەم دونیایەدا هەر تەنها بە ئەمر و دەستووری تۆیە دادەییسێ. دەست و چاوت دێنە مەیدان! چەندە سڕکەرە ئەو هەستەی کە لە جیلوەی ئاسمانی ئینسانێکی ئازا و ڕەهادا، تووند لە باوشی خۆی دەتگرێ! دەقە و چرکە تا دەڕوا بە نێو خۆیدا داتدەگرژێنێ.
لە سویدییەوە: بەکر ئەحمەد
ئاخر کابرایەکی سووتووگر چی دەزانێ؟ ئەوەی کە لە هەمووان دەسەلاتی زیاتر بوو، نازانم ناوەکەی چی بوو، وتبووی باش تێکچووە و دەبوایە بنێردرایە بۆ شێتخانە. بەلام دوکتۆر زۆر بڕیاردەرانە وتی کە یاش نابێ لە شوێنی خۆی بگوێزرێتەوە.
فەڕۆخ نێعمەتپوور
نا،... نایڵێم. من دیسان وەک ئەو رۆژە شوێنی دەکەومەوە. لە جەستەی مێردمنداڵیکدا، بە شانە لاوازەکانمەوە تەژی لە حەزی بارانێکی ناوەخت. بە خۆشییەوە تا گوند زۆرمان نەماوە. رەنگە لەوێ هەموو شتێ بگۆڕدرێ. رەنگە لەوێ هەتا ساڵی شەست و پێنج تا ئەو پاییزە نفرینکراوە بەردەوام شەش ساڵی مابێ،...
لە ئینگلیزییەوە: سایتی قەڵەم
کریستینە بە رەزامەندییەوە وەڵامی دایەوە: "هەر زۆر باشە! ئەگەر رۆژی هەینی تەلەفۆنم بۆ نەکردی ئەوا مایلێکم بۆ بنێرە. ئەگەر وەڵامم نەدایەوە دیسان تەلەفۆنم بۆ بکە، ئەگەر هەڵم نەگرت... ئاە،... با هەر ئیستا پلان دابڕێژین! من ئیستاکە بۆ داڕشتنی پلان بۆ رۆژانی داهاتوو یەکجار سەرم قاڵە!"
تاهیر سیوەیل
وتم: ئیدی وایە، لەمڕۆماندا مەسڵەحەت لە کوێ بوو مرۆڤەکانیش لەوێ دەبن، جارێك لە رووداو جارێکی تر لە کوردستانی نوێ یان لە ژیان یان سەردەم... ئیشی هەر وا چەپگەردە ژیان. بەڵام هەرگیز ئەو فەوزاو ژاوەژاوە ناتوانێت کاری ئەدەبی و هونەری رەسەن داپۆشێت
لە ئینگلیزییەوە: سایتی قەڵەم
جۆن جانتای پیکنیکەکە، چەترەکە و جانتای کەناردەریاکە دەخاتە ناو ماشینەکەوە. هەروەها کەرەسەی ماسیگرتنەکەیشی بەسەردەکاتەوە. ئەوانیش دەخاتە تەنیشت جانتای پیکنیکەکەوە. سەگەکەیان 'دایزی' بازدەداتە دوواوەی ماشینەکەوە. حەزی بە چوونە قەراغ دەریایە! جۆن ئامادەیە بۆ رۆیشتن،... بەڵام دۆنا لە کوێیە؟
لە ئینگلیزییەوە: سایتی قەڵەم
کوڕە گەنجەکە دەستی کرد بە پێکەنین و گوتی: "ئەی پیاوە پیرەکە، داخۆ شێت بووی؟ بڕوانە دڵی من! بڕوانە چەندە جوان و بێ عەیبە. تۆ ناتوانی بچووکترین هەڵەی تیا بدۆزیتەوە. بەڵام سەیری ئەوەی خۆت بکە! شەقار شەقار و پڕ لە پەڵە و زامار. جا چۆن دەتوانی بڵێی دڵی تۆ جوانترین دڵی جیهانە؟"
فەڕۆخ نێعمەتپوور
کە مێشکووژەکە رادەوەشێنم، مێشەکان هەڵدەفڕن و وەک پەڵەیەکی رش بە هۆی فڕینیانەوە ژوورەکە تاریک دادێنن. دەنگی ویزەویزیان پێم دەڵێ تا ئەوان هەبن من هێشتا لە بێتاقەتیی موتڵەق زۆر دوورم. لەبەر خۆمەوە دەڵێم "بەس نیە من ئەمانەم هەیە." هەموو ساتەکانی من پڕن لە مێش و لە مێشکووژ.
فەڕۆخ نێعمەتپوور
لە دەرەوە زەمەن وەک هەمیشە خێرا دەگوزەرێ. ژوورەکان و دیمەنی بەر پەنجەرەکە، کە هەمانن، ناهێڵن ئەو زۆر ئاگای لەم تێپەڕینە بێت. ئەو بە هۆی خەیاڵەوە زۆر ئاگایشی لە جەستەی خۆی نیە کە چلۆن ساڵەکان لەگەڵ خۆیان دەیبەن. هەموو شتێک لێرە لەم ژوورانە و لەم دیمەنە و لە ناو ئەم خەیاڵەدا چەند راوەستاو و نەگۆڕ دەنوێنێ.