چیرۆک

چیرۆکی فەرماندە (١٠)

فەڕۆخ نێعمەتپوور

ساڵەکان بێگومان تێدەپەڕن. ئەمە خەفەتی ناوێ. ئەمە خەفەتێکی ژنانەیە. پیاوی راستەقینە بەپێچەوانەوە حەزدەکا تێپەڕن. کات، دوژمنی پیاوە مەزنەکانە. دەبێ پاڵی پێوەبنێی. نا من خەو بە دایکمەوە نابینم. کە دەیبینم خۆم لە خەو رادەپسکێنم، هەڵدەستم و لەعنەت لە شەیتان دەکەم.

چیرۆکی فەرماندە (٩)

فەڕۆخ نێعمەتپوور

زۆر جار لەگەڵ براچووکەکەم دەستی یەکترمان گرتووە و لە نیوەڕۆیانی گەرمی هاوین لە بن دیواری کۆڵان دانیشتووین و گوێمان لە ویزەویزی مێش و زەردەواڵەکان گرتووە. لە ئاسمانی ساماڵمان رووانیوە و زانیومانە باوکمان لە شوێنێک لەژێر ئەم پانتاییە شینەدایە. دایکم لە پەنجەرەکەوە هاواری لێدەکردین لەکوێن؟

قاڵاوی سپی

ڕەحمان سۆفی

پێڵاوی نەرم و ڕاحەتی له پێدابوو. گورج و چالاک و ئەرخەيان بەڕێدادەڕۆيی. چاوه سەوزه وردبينەکانی به ئاگا ھەموو کەلێن و قوژبنێکی ئەم بەرو ئەوبەری دەبينی. سەيرێکی جۆگەلەی ئاوی شەقامەکەی کرد. ئاوەکه تەواو ليخناو و لێڵ بوو.

چیرۆکی فەرماندە (٨)

فەڕۆخ نێعمەتپوور

بۆیە ئەوانیش لەگەڵ باوەڕمەندان بە سەر بەرماڵەکاندا کەوتن و دەستیانکرد بە پاڕانەوە و لاڵانەوە لە خودای مەزن و دلۆڤان. مزگەوتەکان جمەیان دەهات. بەڵام خودا هەر گوێی لێنەبوو. زۆر کەس لە دەروونەوە دەیانگوت وەک هەمیشە.

شانەی هەنگوین

رەسوڵ سەفەریانی

لە رۆیشتندام کە تەلەفونەکەم دەنگی لێ بەرزدەبێتەوە. هەڵیدەگرم. بەشێک لە تەمەنم بوو. هەواڵم دەپرسێت و هەواڵی دەپرسم. باسی خەمی ناشتنی هەنگوینی نێو قوماشەکە دەکات. باسی بچوک بوونەوەی شانە هەنگوینەکەمی بۆ دەکەم. لێم تێدەگات. بەشیک لە تەمەنم دەزانێت من چی دەڵێم. ئەو هەموو کۆدەکانم دەخوێنێتەوە.

چیرۆکی فەرماندە (٧)

فەڕۆخ نێعمەتپوور

هەر کە دەگەیشتنە سنوور تەنیا یەک سەیارە مافی ئەوەی هەبوو ئاودیو بێت، ئەویش تڕۆمبیلی خودی فەرماندە و نزیکترین هەڤاڵانی بوو. ئەمە خۆی لە خۆیدا هیچ عەیبێکی تیانەبوو، بەڵام وەک بیستبووی سەرۆکی وڵاتان ئاوەها بە وەفدی بچووکەوە سەفەریان نەدەکرد.

چیرۆکی فەرماندە (٦)

فەڕۆخ نێعمەتپوور

ئەو تیشکەی وا هەڤاڵان باسیان دەکرد، لە تەنیایی نیوەشەودا بە لاپاڵی کێوەکەی ئەوبەری شارەوە خەریکبوو سەردەکەوت. یەکێک لە هاوڕێیان لەسەر بانییەوە ویستی بە قەناسە تێیبگرێ، بەڵام یەکی تریان دەستی خستە سەر تفەنگەکەی و نەیهێشت،... گوتی کەس فیشەک لە رۆح ناگرێ،... جگە لەوە فەرماندە خەوتووە!

ژیانی خۆشی من (١٤)

ناوی کتێب: ژیانی خۆشی من (١٤)

بابەت: زنجیرە چیرۆکی مناڵان

وەرگێر لە سوییدییەوە: رەحمان سۆفی

لێرە دایبگرە

ژیانی خۆشی من (١٣)

 

ناوی کتێب: ژیانی خۆشی من (١٣)

بابەت: زنجیرە چیرۆکی مناڵان

لە سویدییەوە: رەحمان سۆفی

لێرە دایبگرە

چیرۆکی فەرماندە (٥)

فەڕۆخ نێعمەتپوور

ژیان چەند ئاسان رووداوە حیماسییەکانیش دەکا بە رابردوو و چەند ئاسان خۆی وەک رەوتێکی ئاسایی دەنوێنێتەوە. مرۆڤ لە راستیدا بۆ ئەمە دروستکراوە، بۆ ژیانێکی ئاسایی. ئەوی تر تەنیا رێکەوتە، چ رۆژەکانی شاخ و چ رۆژەکانی راپەڕین لە ناو ریتمی سادەی ژیاندا دڵیان لە لێدان دەکەوێ و قارەمانەکانیش وەک هەموو خەڵکی دیکە کە دەچنەوە بەر ئاوێنە، مرۆڤێکی سادە دەبینن کە تۆزی زەمەن لە سەرو سیمایان نیشتووە.

ھاواری بێدەنگ

رەسول سەفەریانی

ئاڵۆزم وەک پوورەی ھەنگی دەست بۆ براو. وەکوو شارەمێلورەی ئاوتیکراو. ئاڵۆزم و دەڕۆم بێ ھێلانە، بێ ئۆقرە و بێ ژین. ئەمەی کە دەڕۆم و دەخۆم و دەخەوم بەس نییە بۆ ئەوەی ناوی ژینی لێبنین. ژیان واوەترە لەو چەند کردە حەیوانییە کە سنوری نێوان مان و نەمانمان بۆ دیاری دەکەن. من باسی ژیان دەکەم نەک باسی مان. مان یانی زیندوبوون و زیندوو بوون بەو چەند شتەوە ، واتە خواردن و خەوتن و ھەناسە گرێدراوە. من ئێستا لەو سنورەدام. سنوری مان و نەمان. 

ژیانی خۆشی من (١٢)

ناوی کتێب: ژیانی خۆشی من بەشی ١٢

بابەت: زنجیرە چیرۆکی مناڵان

ولە سویدییەوە: رەحمان سۆفی

لێرە دایبگرە