چیرۆک
فەڕۆخ نێعمەتپوور
خەڵکەکە کە گوێیان لەم قسانە بوو، هەروا چاو لە ئاسمان چاوەڕووانی داکردنی باران بوون. ئەوان حەزیان لەم قسانە نەبوو. چاوەڕووانی هەورەگرمە و هەورە تریشقە و تاریک بوونی دونیا بۆ بیستنی دەنگی باران بوون. بگرە زۆربەیان لە خەیاڵی خۆیان‌دا هەستیان بە قەترەکان لە سەر گۆنا و روخسار و لەسەر سینگی زەردیان دەکرد. دایکەکان مەمکە سیس و وشکەکانیان دەرهێنا و هەورەکەیان سوێند دا کە بە بێ ئەوەی جارێکی تر جۆباری شیر لە ناو رەگەکانیان‌دا وەڕێ بخا، سەری خۆی هەڵنەگرێ و دوور بکەوێتەوە.
- توضیحات
- بازدید: 147
رەسوڵ سەفەریانی
دووھەم جار تەمەنم سەرکەوتبوو و تا رادەیەکی زۆریش تامی دیداری تۆم لەبیر چووبووەووە. لە رێگەی پڕ سەرنجی ژیان‌دا سەرقاڵی بینینی جوانی‌یەکان بووم. خەریکی دیدار و دڵداری کردن لەگەڵ تەندروستی بووم. جەستەم رادەھێنا و ئەمویست بە قووەتی بکەم تا بەرانبەر ھێرشی بە ھێزی زەمان بتوانێت خۆی ڕابگرێت و جێگەی چنگ و نینۆکی زەمان بە دەم و چاومەوە زۆر دیار نەبێت. زۆر باشیش دەچووە پێش و بە بینینی ھەموو ھاو تەمەنەکانم ئەم راستی‌یەم بۆ دەسلما و تەنانەت ئەوان خۆیشیان زۆر جار دانیان پێدا دەنا.
- توضیحات
- بازدید: 180
فەڕۆخ نێعمەتپوور
بەیانی زوو کاتێک باوکم دیسان بە نووکی پێ تێی دەسرەواندم، بە جەستەی ئارەقاویمەوە لەخەو راچڵەکام. لە جیاتی دۆشەکەکە، بینیم لەناو حەوزێکی سووری پڕ لە ئاودا راکشاوم. بەو قەراغانەوە وا نەدەگەیشتنە هیچ شوێنێک. باوکم مڕ و مۆچ گوتی "ئیستا بووی بە پیاو؟" لەکاتێکدا وڕ و گێژ بووم و وەک دوێنێ چاوەکانم هەڵدەگڵۆفین، گوتم: ـ ئەرێ باوکە، دوێنێ کاتژمێر دەی بەیانی بووم بە پیاو!
- توضیحات
- بازدید: 123
فەڕۆخ نێعمـەتپوور
پاڵ دەکەومەوە. کۆمپیوترەکەم دەخەمەوە سەر سینگم، بە بێ گوێدانی ئەوەی کە چەرەساتەکە هەڵدەوەرێتە سەر سینگم دەست دەکەم بە خواردنی و، بەلاچاویش لەکاتێکدا یاری شەترەنج دەکەم و جارجارەیش لاچاوێکیشم لە سەر وتاری فەلسەفی و سیاسی و هەروەها چیرۆکە، لە فیلمەکەیش دەڕوانم. 'هیچ' لەو دیو پەنجەرەکەوە دەستێکم لێ رادەوەشێنێ و بزەیەکی تاڵ لێوەکانی دەتەنێ. ئەو دەبێ چاوەڕوان بێ. ئەو دەبێ رەنگە تا چەند کاتژمێرێکی تر لە باڵکۆنەکەوە لە دەریا بڕوانێ.
- توضیحات
- بازدید: 133
رەسوڵ سەفەریانی
نەمدەزانی چی بووە، یان قەرارە چی بێت. دەمزانی هەمووان چاوەڕوانی شتێکن. لەم سەر بۆ ئەوسەری ژوورەکە هاتووچۆم دەکرد. جار و بار لەبەینی کەسەکانەوە سەرێکم دەکێشا و، دەمدی دایەگەورەم بێ‌دەنگ و بێ جوڵە راکشاوە. سەیرێکم دەکرد و، پاشان سەیری بازنەی کەسەکانی دەوروبەری. جێگام دەگۆڕی و، دیسان لە کونێکی ترەوە سەیریم دەکرد. سەیری خەڵکەکەم دەکرد کە دڵتەنگ و مات بۆ دایەگەورەمیان دەڕوانی. چاوەکانی دایەگەورە وشک و بێ رۆح دەیانروانی. کەسی دەدی؟ نازانم، بەڵام هەمووان ئەویان دەدی و، چاوەڕوان بوون.
- توضیحات
- بازدید: 189
فەڕۆخ نێعمەتپوور
چاوێکی لێ‌داگرتم و، گوتی جگە لە بەنەخوێنەکەت هیچی دیکەت نەبوو مریشکە قوڵەی پێ ببەستیتەوە!؟ گوتم ئەم هەفتەیە هیچت نەنووسیبوو، هەفتەنامەکە لە واژۆت بەتاڵ بوو. گوتی جا تۆی مریشک‌باز کارت بەم بەزمەوە چییە… ها پێم ناڵێی،… کارت بە وتاری منەوە چییە!؟ گوتم مریشکەکەم تامەزرۆی خوێندنەوەی بوو! بەم قسەیەم راوەستا. نە پلکەی لێدا و، نە لەگەڵ ماملێ دەنگی هەڵبڕییەوە. گوتم سەرئەنجام خوێنەرێکی دەروەستت پەیدا کرد، مەگەر تۆ باست لە داهاتوویەکی گەش نەدەکرد!؟ گوتم ئەم مریشکەم قنی دڕا و هێلکەکەی هەر بۆ نەکرا،… دەی یاڵڵا وتارێکی تر!
- توضیحات
- بازدید: 151
و: نه‌ژاد عزیز سورمێ
ئاشتی… جا بۆ ئاشتی؟! دوو جارانم بەشداری شەڕ كردووە، جاری یەكەم لە پێشەوە بووم و لە جاری دووەمیشدا لەگەڵ ئەوانەدا بووم ئازووقەمان بۆ كەتیبەكە ڕەوانە دەكرد، ئەوەشت پێ بڵێم لە شەڕدا، نە ترساوم و نە مردوویشم، بەڵام دەتوانم بڵێم كە مرۆڤ دەشێ بە هۆی (ئاشتی) یەوە لەسەرخۆ بمرێ. مەسەلەكەت بۆ ڕوونتر دەكەمەوە: ـــ مرۆڤێ لە ماڵێ دابنێ، وازی لێ بێنە بێ كارو كاسبی، هەموو شتێكی بە تیژاوێ دەرخوارد بدە باسی بایێی بە بارانێ بۆ بكە… حەیاتی لێ دەبڕێ!
- توضیحات
- بازدید: 260
موحسین ئەمین‌زادە
بەڵام چۆن دوای ئەوە بەردەوام بم؟ چی بخەمە بەشی دووەم؟ چاوەڕێی چیت لەسەر بنووسم؟ ڕەنگە بۆ بەئاگاهێنەرە نوێیەکان کە بوونیان نییە. وە هەرگیز دەرناکەوێت. بۆ ئەو تاریکییەی کە دەوری ئێمەی گرتووە و خنکاندووینی. بۆ سێبەرە کاڵەکانی ئەو هاونیشتمانانی کە سنوورەکان دەبڕن و دەچنە شوێنێکی نادیار. سەبارەت بەو شەقامە تاریک و پیسانە کە ئەم سێبەرانە هەوڵی دەربازبوون لێی دەدەن. لەگەڵ خانووی خۆڵەمێشی تۆخ و پیس کە هەژاری و برسێتی و هەژاری و سەرما و ڕق و کینە و مردن حوکمڕانە...
- توضیحات
- بازدید: 320
فەڕۆخ نێعمەتپوور
ئەمجەد باقرزادە کە دەبینێ سەرەڕای تێپەڕینی ساڵەکان نە ئەزموونێکی وەک سۆڤیەت دووپات دەبێتەوە و، و نە هەرێمیش دۆخی بە گشتی باشتر دەبێ، دەگاتە ئەو ئەنجامەی کە نا، وادیارە لە شێوەی ژیانی یاخود بۆچوونەکانی‌دا هەڵەیەکی گەورە هەیە. سەرەتا هەوڵ دەدا خۆی تەنیا بە بیر و باوەڕەکانییەوە، واتە بە بێ هیچ چەشنە باوەڕ بە هێزێکی دیاریکراوەوە سەرقاڵ بکا. واتە تیۆر بە بێ کردەوە. ئەگەرچی لای وابوو سەرئەنجام هێزێکی راستەقینە دروست دەبێ و، لەم بەزمە رزگاری دەبێ.
- توضیحات
- بازدید: 160
رەزا شوان
پـەلـکە زێـڕیـنـەیـەکی کەوانـەیی حـەوت رەنـگی، لە ئاسـمـانی گـونـدەکـەدا کـێـشـا. لە سەربانی قـوتابخانەی گونـدەکەشـدا، لە قـەدی سەروی سـتوونـێکی داری زۆر بەرزدا، ئـاڵای رەنگـینی کوردسـتانی بە هـەر چـوار رەنـگەکـەی کـێـشـا. منـداڵـەکە تابـلـۆیەکی رەنگـینی زۆر جـوانی، بـە هـەمـوو رەنـگەکان رازانـدەوە. لەژێـر تابـلـۆکەیـدا نـووسی "دیـمەنـێکی کوردسـتان". ئیـنجـا لەپـێـشی رەنـگەکانـدا هـەڵـیواسی. رەنگەکان کە ئەو تابـلـۆ رەنگـیـنەیان بـيـنی. زۆر سەرسام بـوون! هـەسـتـیان بـەوە کرد، راسـتە کە هەر رەنگـێک جـوانی و دڵخـوازی خـۆی هـەیە، بەڵام کە پـێکەوەبـن، جـوانـتر و رەنگـینـتر دەبـیـنـرێـن و دەبـن بـە تـەواوکـەری یەکـتری.
- توضیحات
- بازدید: 157
