شێعر و پەخشان

کوشتنی ئومێد

هاوار تەیب

 

تێبگه‌ كه‌لاوه‌كانی مۆدێرنه‌
پڕ پڕن له‌ورده‌ شكان
پڕه‌ له‌لافاوی بێ ئومێدی
مۆدێرنه‌
ده‌ریایه‌كه‌ لە سەر پشتی مەرگ

 

کوشتنی ئومێد

هاوار تەیب

 

كه‌مردم

بڵێ: ماڵئاوا ئه‌ی پیاوێك له‌قه‌ره‌باڵغی و

چۆڵه‌وانییه‌ك له‌نهێنیی مه‌رگ.

بڵێ:

ئه‌ی دێوانه‌ترین سه‌رچۆپی عیشق

ئه‌ی پاكترین سه‌ركه‌شی

ئه‌ی نووری ئیمان

سڵاو...

سڵاو ی دوای بێ ئومێدی و

شۆڕبوونه‌وه‌ بۆ دواوه‌...

تێبگه‌ كه‌لاوه‌كانی مۆدێرنه‌

پڕ پڕن له‌ورده‌ شكان

پڕه‌ له‌لافاوی بێ ئومێدی

مۆدێرنه‌

ده‌ریایه‌كه‌

له‌سه‌ر پشتی مه‌رگ و

ڕووناكییه‌كه‌ له‌سه‌ر پشتی تاریكی...

خۆ خواردنه‌وه‌ی دوای جه‌نگ و

کوشتنی ئومێده‌...

مردنێكی له‌سه‌ر خۆیه‌

هاوڕێ...

زه‌وی به‌قه‌د گه‌وره‌یی

پڕه‌ له‌نائومێدی

وه‌ك خڕی

پڕه‌ له‌بێباكی...

وه‌ك ئاو پڕه‌ له‌كوشتنی ئه‌ڵماس...

وەك جەنگ پڕە لەکوشتنی هیوا،

پڕە لەهیلاكی و

شکاندنی پەنجەرەکان

بڕینی هەموو سنوورەکانی ژیان و

ئاوەدانکردنەوە ماڵی تەنیایی.

 

 

 Bilderesultat for adjø kunst