چیرۆک

خرپن و نونو

عەلی حەمەڕەشید

ئەوان زۆر دڵیان بە (خرپن و نونو) خۆشبوو. رۆژێکیان لەکاتی یاری کردن دا (نونو) کەوتە ژێر قاچی (خرپن)ەوە. (لیرە) خەریک بوو لە (خرپن) توڕە ببێت. (لاوان) دەستی کرد بە پێکەنین و وتی (لیرە) گیان ئێمە ھاوڕێین ھەرگیز ئازاری یەکتر نادەین و لە یەکتریش توڕە نابین.

 

خرپن و نونو

 

عەلی حەمەڕەشید

 

(لیرە) بوکەشوشەیەکی زۆر جوانی ھەبوو، قژ زەرد و چاو شین. (لاوان)یش ورچێکی خرپن... رۆژانە یارییان پێ دەکردن و دوای تەواو بوونی یارییەکەیان دەیانخستەوە جێگەی خۆیان. (لیرە) بوکەشوشەکەی ناونابوو (نونو)، (لاوان)یش ورچەکەی خۆی ناونابوو (خرپن).

ئەوان زۆر دڵیان بە (خرپن و نونو) خۆشبوو. رۆژێکیان لەکاتی یاری کردن دا (نونو) کەوتە ژێر قاچی (خرپن)ەوە. (لیرە) خەریک بوو لە (خرپن) توڕە ببێت. (لاوان) دەستی کرد بە پێکەنین و وتی (لیرە) گیان ئێمە ھاوڕێین ھەرگیز ئازاری یەکتر نادەین و لە یەکتریش توڕە نابین. (خرپن و نونو)یش وەکو ئێمە ھاوڕێن و ھەردووکیشیان ھاوڕێی ئێمەن، ئیتر چۆن شتی وا دەکەیت. لیرە تەماشایەکی لاوانی کردوو وتی زۆر راستە (لاوان) گیان من بیرم چووبوو دەی باپێکەوە گۆرانییەکیان بۆ بڵێین:

 

(نونو) ی قژ زەرد و چـاوشــین

ئەو ھەمــووە جوانییە چین

بەشـی ئێمــــەی لێ نـادەی

وەک خـۆت دڵخۆشمان ناکـەی

تۆیش (خرپن) گیان لە یاری

زۆر نــەرم و نیان دیــاری

فێرمان بکــــە وەک تۆ بین

ھێمن و لەســــــەرخـۆبین