عەلی حەمەڕەشید
دەست بەکارن ڕۆژانە
چی شەقام و کۆڵانە
بەهەوڵی ژینگە پارێز
هەردەم خاوێن و جوانە
ژینگە پارێز
عەلی حەمەڕەشید
ژینگە پارێز لەم ژینە
کاری ڕێک و سەنگینە
هەوڵ و ماندوو بوونی ئەو
جێی ڕێز و پێزانینە
...
دڵسۆز و چالاک دیارە
هەمیشە ماندووی کارە
مەبەستی ڕاگرتنی
پاکو خاوێنیی شارە
...
دەست بەکارن ڕۆژانە
چی شەقام و کۆڵانە
بەهەوڵی ژینگە پارێز
هەردەم خاوێن و جوانە
...
با تاجی ڕێز و شکۆ
پێشکەشیان بێت ڕاستەوخۆ
لەگەڵ چەپکە گوڵێکی
گەشاوە و جوان و خۆشبۆ
ئاڵا محەممەدزادە
کاکەم ئەلێرە ڕائەکشا. چاوی لە میچەکان بڕیبوو. قسەی لە گەڵ نەئەکردم. گووتم تۆراوی؟ ئاخر زوو زوو ئەتۆرا، وەڵامی نەدامەوە. هەموو ڕۆژێک پارووم بۆ ئەگرت. هەر لە دەمیا ئەیهێشتەوە ئاوم پێدا بە لالێویدا ئەڕژایە خوار. سەرم لەسەر سەری ڕاگرت. پێکەنی، بەڵام قسەی لە گەڵ نەئەکردم. منیش کارم پێی نەبوو. کاکەم ئەیگووت کارت بە کاری کەس نەبێ، لە تەنیشتی لەسەر جێگەی خۆم ڕاکشام. تا ئەو کوڕە منداڵکارە هات، بانگی خەڵکی کرد. پەڕۆی سپییان بەسەر دادا و، بردیان.
