چیرۆک

چیرۆکی فەرماندە (١)

فەڕۆخ نێعمەتپوور

دۆخەکە وەرگەڕابوو و ئەوە ئەو خەڵکە بوون نیازیان بە فەرماندە بوو. نیازێک نەک تەنیا لە ئاستی گوندەکاندا بەڵکو بە پانتایی نیشتمان. بەم شێوەیە هەم لەو هەستە ناخۆش و شاراوەیەی وا جاران هەیبوو دەهاتە دەرەوە و، هەم ئیستاکە هەستی بە وەها باوکایەتییەک دەکرد نەبێتەوە. باوکێک کە بەردەوامیی نیشتمان تەواو بەوەوە بەسترابووەوە.

پیاگ و کڕۆنا

رەسوڵ سەفەریانی

 فریانەکەوتم رستەکەم تەواوبکەم کە لە پڕ ھەستمکرد کەسێک بێ چرپە لە تەنیشتمەوە پەیدابوو. لامکردوەوە کابرایێکی زل و زەبەن و سێبەر قورس، بە سەرێکی زل و دەموچاوێکی پان و جوتێ چاوی قووڵ وەک دوو لایت کە لە بن دوو چاڵەوە تیشک بھاوێژێت، قونیدایە سەر ئەو نیمکەتەی من لەسەری دانیشتبووم.

زەماوەندی قەبر

عبدالقادر ارسلان

 ئەو بیری چوو کە مانگانە بە ئاستەمێکی زۆر دەتوانێ چەند کتێبێک بۆخۆی بکڕی. لەگەڵ هەموو ئەمانەشدا هەر بەڕێگاوەبوو بۆ داوای هاومرادەکەی. لەپڕ فریشتەیەک لە ئاسمانەوە دابەزی، وتی بۆ کوێ دەڕۆی ڕیسوای دوو پێی کاسکێت دڕاو، تۆ بەتەمای خۆت و ئێمەش خەجاڵەت بکەی؟

ئیزرائیل ئاشقی گوڵێ دەبێ

فەڕۆخ نێعمەتپوور

ئیزرائیل ئیستاکەیش هەر لەسەر ئەستێرەکە دادەنیشت و لەوێوە سەیری زەوی و ماڵی گوڵێی دەکرد. گوڵێ ئەگەرچی لە کۆمەڵێک ئێسک و پروسک، جووتێ مەمکی سیس و دەم و چاوێکی گنج گنجاوی هیچی تری وای پێوە نەمابوو، کەچی ئیزرائیل هەر چاوەڕوانی ئەوەی دەکرد لە لایەن خودا ئەمری بۆ دەرچێ و بچێ گیانی بکێشێ و بیکا بە هاوسەری خۆی.

رازی جیهان

فەڕۆخ نێعمەتپوور

 شتێک کە لەسەر کێلی هەر دوو قەبرەکە سەرنجی رادەکێشام "هوالباقی" بوو. من کە چکێک عەرەبیم دەزانی بۆ یەکەم جار لە ژیانمدا دەستم دایە لێکدانەوەی مانای ئەم دوو وشەیە و بەدڵنیاییەوە زانیم بە مانای "ئەو دەمێنێتەوە"یە، یان باشتر بڵێم "هەر ئەو دەمێنێتەوە". ئەوسا بیرم لەو کردەوە. راستی ئەو کێیە؟

بەسەبربوون

لە ئینگلیزییەوە کراوە بە کوردی

ئازابووی کووڕی خۆم. بەڵام داخۆ هەموو ئەو کوونانە دەبینی لە چەپەرەکەدا دروستت کردوون؟ ئەم چەپەرە ئیتر قەت وەک جارانی لێ نایەتەوە، تەنانەت لە دووای چاککردنیشی. بۆیە کاتێک تۆ بە تووڕەیی شتێک دەڵێی، برینێک لە رۆحی خەڵکیدا جێدێڵی، هەر وەک چۆن ئەم بزمارانە لە پەرژینەکەدا جێیان هێشتووە."